3.25 特首選舉

2012年3月25日下午12:14公開累積瀏覽 141 3

March 25, 2012, Sunday,  特首選舉

好希望香港可以一人一票普選, 但絕不希望今次特首選舉流選.   個人覺得如果今次流選, 只會帶給香港不安定, 亦被那些過份偏激嘅議員, 令香港政局更為混亂. 

我們需要民主, 但不需要混亂.  如果此次為一小圈子選舉, 就讓這五年, 昨為一個過程, 步向2017普選.

昨天港大嘅民意研究計劃的「3．23民間全民投票」, 我也有參與(真係千辛萬苦, 用咗幾個鐘先上到個網址), 以表達我的意願.  我投梁振英先生一票.    如果這次是代表一人一票嘅普選, 我絕不贊成投白票.  可能有好多人不同意, 但這是我的意願.

今天早上九點到中午十二點四十五分, 都坐在電視面前, 全程留意特首選舉的報導及選票過程.  以前從未對特首選舉如此留意, 亦好高興今次梁振英先生當選, 以結束今次嘅選舉活動. 

梁振英 689票, 何俊仁 76票, 唐英年 285票, 76白票

如果今次大部份人投白票而令到選舉流選, 我地香港市民又要再經歷一次這樣嘅選舉過程, 我覺得十分痛苦. 

只希望梁振英先生可以在未來五年, 可以堅守佢嘅承諾, 令香港更加安定繁榮, 改善窮人嘅生活, 減輕中產階層嘅生活壓力, 多關注民生.....  咁我地呢的小市民先可以安居樂業麻.

此篇純粹為五號屋個人意見, 並唔係要任何嘅政治爭辯.