同事買的新玩具 - Innoware 麵包機

2012年3月18日下午12:22公開累積瀏覽 6429 6

March 14, 2012, Wednesday

我其中一位同事, 佢係整蛋糕高手(但係從未整過麵包), 今早好興奮咁走入我間房問我....你屋企係咪有麵包機呀, 我話有呀....好唔好用呀....我話好呀!  不過要整得好食, 唔可以跟麵包機嘅receipt, 一定要加的老麵或者湯種, 的麵包先鬆軟的架.

咁佢話見到有部麵包機好平, 問我好唔好買, 我話係咪hk$499嗰部, 佢話係. 

如果想整麵包又唔想搓, 咁就買啦, 我話咁平, 如果唔用嚟麵包, 用嚟搓粉整pizza都得架.  我話你屋企得兩個人, 呢個麵包機細細個咪啱囉.  我屋企已經有一個我就唔會買啦.

早上講完, 佢下午已經買咗返嚟, 仲猛咁叫我快的睇吓.  我梗係停哂手上的野, 帶埋個相機去睇吓啦.

就係呢部啦.

就好似一部迷你電飯煲咁

咦! 都有多種功能喎.

打開蓋就係咁嘞.

入面有量杯一個, 量匙一個, 同插入底部用嚟拌粉嗰支捧.  仲有一個stainless Still勾, 唔知要嚟做咩嘅

仲有一本說明書.

呢部麵包機比較細, 只可以做到一磅麵包, 我見說明書入面寫著, 整一個麵包, 成個program, 連攪粉, 發酵, 焗, 加加埋埋要三個幾鍾頭.   我而家用緊嗰部麵包機就有兩個container, 每次可以整兩個一磅麵包(我而家幾日都要整一次, 要嚟整方包比二公子食, 佢每日都要兩份芝士火腿麵包做早餐).  而最長嘅program . 只係需要兩小時十分鍾.  似乎呢部機需要時間比定較耐的.

我叫同事快的整啦, 整咗拎返嚟比我地試吓.  我教咗佢點整湯種, 等的麵包唔好太硬啦.

我自己唔買, 見到人買我都好開心架.

同事整完一次返嚟話好成功喎, 的麵包都ok軟熟, 但就無街買嗰的咁柔軟嘞.