昨日飲過嘅紅茶, 今日又叫,
型爸要咖啡, 我要紅茶
今日又有石榴汁, 但唔知點解好甜, 無第一天咁好飲
又係食的咁上下哾野.
我都係喜歡比較乾嘅煙肉, 杯yogurt都係嗰杯, 未食放埋一齊影相
今日呢碗係海鮮粥, 淡淡地, ok喎.
食完就再周圍影吓相, 今日係星期一, 可能好多遊客已經走哂, 餐廳無咩人. 呢的係露天嘅位置. 望出去可以見到對面President Palace 嘅天台泳池
晚上呢道可能係食BBQ Buffet, 有好大個抽氣機同food counter
晚上呢道可能係食BBQ Buffet, 有好大個抽氣機同food counter
露天出面都係用呢的天花.
同型爸商量, 今日都係唔去游水啦, 費事游到攰哂, 一陣又要攞的行理上上落落. 有時間, 不如走去按個早摩啦. 橫店就响酒店對面. 點知行到對面, 仲未開門, 咁不如試吓去Bai Po 嘅主店啦, 都係幾分鍾啫. 去到又啱啱開咗門. 咁就安排兩個師傅按啦. 不過呢道嘅地方就差的啦. 真係好殘舊, 下次唔會嚟囉. 再加上的師傅又唔得....唉! 諗著上機前再鬆吓個肩輕, 比佢按完仲痛痛地添.
時間啱啱好, 大約一點, 我地就check out啦. 四點機, 由呢道去機埸都只不過一個鐘. 嚟時每人半喼, 走時每人一喼, 都唔係好多啫.
時間啱啱好, 大約一點, 我地就check out啦. 四點機, 由呢道去機埸都只不過一個鐘. 嚟時每人半喼, 走時每人一喼, 都唔係好多啫.
我地都係坐BTS轉Airport Rail Link, 45Baht一個人都真係幾抵.
星期一都有幾多人坐Airport rail link 喎
Airport Rail Link就有呢的電梯, 但BTS就無嘞.
的列車係咁架.
我地去到, 仲要等多七分鐘先有車
大約25分鐘就到機場啦.
去到機場, 有的餓喎, 食的野先.
Airport rail link行出嚟有幾間食肆, 我地揀咗呢間叫Twin Time泰國餐廳., 叫咗兩個套餐
套餐包飲品一杯, 西瓜汁嚟架, 好甜喎.
我叫嘅青咖哩雞飯
型爸叫嘅紅咖哩鴨飯
呢碟菜等佢地炒就等咗好耐啦. 原來時間好充裕, 結果又要我地急急腳.
呢碗唔知係咩野甜品, 得個甜字, 麻麻地....
跟著就去check in 啦. 泰航咁得意, 有哂banner啦, 都要放的太陽傘印咗Thai標誌. 開咗好多counter, 好快就可以入閘. 嘩! 不過過關就超多人, 起碼排咗半個鐘.
又係過咗開就差唔多要入閘, 四點機, 三點半之前要去到閘口啦. 都緊緊有的時間比我地去免稅店買兩枝酒.
回程嘅飛機餐, 豬肉闊條麵
型爸要嘅咖哩雞飯.
呢嚿蛋糕好恐怖呀! 面同底得好薄嘅蛋粒, 夾响中間成寸半厚都係cream 嚟架...點敢食呀....
時差關係, 飛機到香港晚上七點四十分....成九點幾先返到屋企.
好多日無見Loki好掛著佢呀! 佢見到我地又係狂叫, 發哂顛咁, 跑嚟跑去, 又撲上嚟狂咀我地. 攪咗好耐佢先平靜的咋.
放假嘅日子好快就過, 明天回復正常, 又要返工啦!
沒有留言:
張貼留言