呢樽靚毛粉, 要hk$300. 呢樽已經係平嗰種, 我見到一的成千二蚊一樽呀! 阿仔粗生粗養的, 唔好食咁貴啦.
佢重咗, 超過20kg, 每個月滴頸嘅藥又貴咗, 又要三佰幾蚊一盒
狗靚咗, 自信又多咗, 佢就開始曳曳嘞.... 以前唔會隨便吠架, 而家有人經過屋企, 佢一時唔睬人, 有時人地叫佢, 佢都會吠...常見嘅隔離鄰舍都吠....的人識加麻...係咪曳吖... 唔知點解, 佢最唔鍾意就係的管理員.
平時我地响屋企, 佢超乖架, 仲周不時行埋嚟要鍚鍚我地下巴. 最喜歡瞓响型爸腳邊 冧到型爸不得了.
我同二公子出街佢無咁大反應架. 型爸一出去佢就嗚嗚嗚, 型爸一返嚟就開心到發哂顛.
屋企嘅醜角就梗係我啦, 每次揸著條狗帶作狀打佢嘅都係我...
呢張係近期嘅相, 我就覺得佢靚仔咗好多., 佢最鍾意坐喺我地睡房與書房門口, 睇實我地有無換衫出街. 佢好鍾意兩隻手交义疊著, 斯文靚仔咁.
睇吓呢張幾醜樣, 佢瞌瞓覺呀! 想瞓又唔想瞓之間, 好似的小朋友瞌眼瞓咁, 頭都側埋
平時我地咁樣摸佢個頭, 佢就開心笑架.
我就最鍾意佢呢個為食傻仔樣, 如果搵的野食引佢, 真係點都得, hand hand (左右手都自動比你), sit, lay down.
不過佢發脾氣, 曳起上嚟都幾麻煩. 專咬爛野. 雪橇犬天性要做大佬, 維護主權, 唔喜歡小動物同小朋友. 一見到的猫就想撲過去追. 有時連林小b同陶陶都想撲埋去, 嘩, 我地好驚架, 整親人地點算.. 以前個個都會走埋嚟摸吓佢, 而家人地點敢呀!
最攪野嘅就係, 佢做錯嘅野, 唔會翻做, 因為比我鬧過, 作狀打過, 佢都記著, 但下次佢會攪的新野囉.
睇吓呢張幾專注, 專注的咩, 咪係我手中嘅早餐....多士囉.
呢張好似豬頭咁, 揸著的野食. 叫佢望去邊就望去邊.
呢張又靚又正經....食完多士啦.... 又再等緊食呀!
食咩?
就係我嘅麥皮早餐囉, 我星期六日响屋企, 一食早餐佢就跟著我邊道都唔去, 連型爸叫都唔要啦. 我就將我嘅麥皮分兩三湯匙比佢食啦. 營養豐富, 入面有高鈣奶粉, 阿麻籽, 黑芝麻. 唔知佢可唔可以食架, 但我諗少少應該無問題啩. 我平時戒食麵包做早餐架, 星期六日, 為咗佢, 我就加埋多士啦, 烘乾咗嘅多士邊, 佢好鍾意食.
多咗隻狗, 多咗的麻煩, 但又多咗的快樂, 見到佢越嚟越靚仔, 我地都好開心架! 多咗隻狗其實好似多咗個小朋友一樣, 好多牽掛, 平時都要教佢愛護佢, 淨係唔需要擔心佢要入邊間小學中學啫. 哈哈哈!
沒有留言:
張貼留言