February 26, 2012, Saturday in Bangkok
响河口廟拜完神, 我地就坐的士去Central Plaza, 唔知點解, 截咗幾架的士, 比個地址佢地睇, 都話唔去.
最後終於有一架話去, ok無問題. 起錶35baht, 每跳2baht, 平香港好多.
不過開車無耐, 我就覺得有的唔妥, 點解行的路都未見過嘅, 仲好似越行越遠咁. 坐吓坐吓, 成30分鐘, 咪錶仲跳到190幾, 但係的路仲係一的都唔認得. 最終忍唔著, 問司機大哥, 究竟幾時到, 佢的英文有限, 好似唔識聽. 咁我先再睇吓個地址, Central Plaza Ladprao, 唉吔, 唔係我心目中想去嘅Central Plaza Siam. Ladprao咩野地方嚟架. 咁我指吓張地址又指吓隻手錶, 想問佢仲有幾耐先到, 佢今次明喎, 話比我知仲有5分鐘. 吓咁都好的, 如果唔係再遠的, 機場都可能到啦.
卒之到啦, 見到依稀有的記憶, 好耐以前嚟過, 近Centrara Grand Hotel嘅大型商場, 當年跟旅行團,的導遊放低我地行街, 仲要行幾個鐘.
其實仲未知位置响邊, 肯定就離開Bangkok市好遠. 不過嚟到就隨遇而安, 照行照食啦. 呢道並唔見好多遊客, 全部都係本地泰國人, 好多著校服嘅年輕人(可能星期六放下午).
响河口廟拜完神, 我地就坐的士去Central Plaza, 唔知點解, 截咗幾架的士, 比個地址佢地睇, 都話唔去.
最後終於有一架話去, ok無問題. 起錶35baht, 每跳2baht, 平香港好多.
不過開車無耐, 我就覺得有的唔妥, 點解行的路都未見過嘅, 仲好似越行越遠咁. 坐吓坐吓, 成30分鐘, 咪錶仲跳到190幾, 但係的路仲係一的都唔認得. 最終忍唔著, 問司機大哥, 究竟幾時到, 佢的英文有限, 好似唔識聽. 咁我先再睇吓個地址, Central Plaza Ladprao, 唉吔, 唔係我心目中想去嘅Central Plaza Siam. Ladprao咩野地方嚟架. 咁我指吓張地址又指吓隻手錶, 想問佢仲有幾耐先到, 佢今次明喎, 話比我知仲有5分鐘. 吓咁都好的, 如果唔係再遠的, 機場都可能到啦.
卒之到啦, 見到依稀有的記憶, 好耐以前嚟過, 近Centrara Grand Hotel嘅大型商場, 當年跟旅行團,的導遊放低我地行街, 仲要行幾個鐘.
其實仲未知位置响邊, 肯定就離開Bangkok市好遠. 不過嚟到就隨遇而安, 照行照食啦. 呢道並唔見好多遊客, 全部都係本地泰國人, 好多著校服嘅年輕人(可能星期六放下午).
呢, 我地就係要搵呢間Street Buffet嘞. 胡慧沖網頁介紹89baht street buffet, 嚟到先知加價係99baht. 哈哈, 由Wat Pak Nam嚟, 坐咗二佰幾baht, 嚟食99baht一個人嘅buffet, 真係攪野啦.
不過食buffet....all you can eat, don't waste!
餐廳好大, 但唔係太多人, 兩點幾, 我諗因為已經過了食飯時間.
Food counter好長, 有的唔同嘅咖哩什任揀, 紅咖哩雞, 黃咖哩魚蛋, 綠咖哩雞紅.....各種雜菜沙律, 仲有雪糕.
未嚟過, 真係唔知點食, 攞隻碟, 見到有米粉, 有熱水, 又有刀又有义
咁咪將的米粉放落的熱水, 再夾上碟囉. 唔對路, 點解的人望著我地嘅....但佢地又唔識同我地溝通. 的女侍應一句英交都唔識講
我地先再睇真係張相, 敝, 的米粉唔使焯, 的熱水用嚟烚刀义, 真係瘀皮啦. 無法啦, 烚咗的米粉唔要啦. 浪費咗添, 好彩無食到咋. 不知者不罪麻.
型爸夾咗的米炒, 油麵, 咖啡雞肉同雞紅
我就夾咗的米粉, 魚蛋, 咖哩雞.... 的咖哩汁微溫, 但係的米粉就係凍嘅, 就咁撈嚟食. 講真, 我就覺得麻麻啦, 唔鍾意食凍冰冰嘅米粉囉.
不過嚟到好唔好係都食的啦. 99baht啫. 食少少一陣出去再食過.
攞咗的沙律返嚟, 睇落都幾好吖, 但係的生菜已經拌咗醬汁, 食落去係甜嘅. 泰國人食野偏甜, 呢的醬汁就唔係好啱我地口味啦.
胡慧沖有提過呢道的咖啡唔錯, 我地就叫杯嚟試吓. 呢個餐係99baht, 但呢杯咖啡就70baht. 卒之有個女人走出嚟問我地要唔要奶....佢識講英文喎.
另外再叫多一枝礦泉水15baht, 冰2baht
跟著去雪糕counter
有4個container裝著, 但係只得一款雪糕, 即係4個都係椰子雪糕. 已經比的人攞到見哂底, 唔通好好味? 仲有我喜歡白色一大粒嘅石榴子
先攞咗少少嚟試吓, 好味, 的雪糕咬落有一粒粒椰子架. 食完即刻去攞多一大碗滿嘅(真貪心, 其實都已經好飽啦). 一食到呢道就覺得好抵. 如果去翟道翟食一杯椰子雪糕都要35baht呀! 我而家食兩杯, 咩都抵哂啦.
飲完杯咖啡, 佢地送杯清茶嚟, 唔錯喎.
呢餐埋單都只不過係285baht, 唔使加一
最開心發現有位女士識講英文, 我地見到有咖啡豆賣, 覺我的咖啡唔錯, 就走去問佢點賣啦.
泰北咖啡, Dark roasted 350baht
Medium Roast 250baht
結果兩包都買, 同佢講價, 500兩包
跟著仲見到有蜜糖, 又係泰北出品, 佢話得番兩支, 兩支一樣size, 不過一個係玻璃樽, 一個係睇樽, 新舊裝.
比個close up睇吓, 係龍眼花蜜, 我都未試過, 梗係要試吓啦.....哈幾多錢呢? 好似講到180baht一枝, 360baht兩枝. 1 liter 裝, 超抵.
順便問埋位小姐我地究竟置身何處, 點知位小姐睇極張地圖都搵唔到. 最後我問佢咁呢道近唔近BTS, 佢話好近, 坐40baht就到Mo Chit, Mo Chit...咁咪即係好近翟道翟...掂哂, 一陣間就識走啦. 下次可再嚟, 不過最好安排同一日行翟道翟, 但係今日我地唔去啦, 諗著明天先去.
先行吓呢個咁大嘅商場先啦.
真係好多食肆
嘩! 呢間韓式燒烤好吸引喎, 288任食. 睇吓的喉管, 都幾等別喎.
我地發覺泰國人真係好鍾意食雪糕, 同一商場內, 有十幾家不同雪糕店, 全部都坐滿客.
跟著仲有一檔好特別, 係炒雪糕. 不過係凍炒唔係熱炒.
將的雲呢拿雪糕放落冰炒盤, 壓平, 加的車厘子, 加的朱古力, 壓碎撈勻... 睇吓幾吸引的小朋友.
仲有整新鮮麵包, 好香呀!
嗰的puff, 焗好之後, 即埸用的機唧的cream入去, 好吸引, 但係我仲係好飽, 無買嚟食.
跟著落去超市, 見到兩鍋好大鍋嘅野, 每鍋足有一米闊. 一鍋係元蹄, 一鍋係牛肚.
再走入超市買的泰國即食麵呀, 椰汁, 牛肉醬汁, Counter Pain. 唉吔, 買唔到青檸汁添. 嘩! 行咗幾個鍾好攰啦. 又攞著咁多野, 都係返酒店先. 今次唔坐BTS, 而家知道位置, 心中有數啦. 坐的士, 返到酒店都係大概160baht. 好過坐去BTS Mo Chit, Mo Chit返嚟每人都要40baht 啦.
今晚原本諗著去Thong Lo食飯兼揼骨, 但返到酒店, 叫酒店職員幫我地訂按摩, Asia Herbs 或者Health Land, 點知兩間都話fully booked. 而家嚟泰國, 星期六日, 按摩食飯, 真係要預定, 如果唔係真係無位架. 我地訂唔到今晚, 咁訂明晚九點去Asia Herbs Association 按摩啦.
嘅然係咁, 我地今晚就唔去Thong Lo 啦, 出面條街咁多野食, 型爸話輕鬆的行到邊食到邊啦. 大把地方有按摩啦. 好似酒店對面都有, 即刻過去問吓.
呢, 就係呢間Bai Po, 佢地話即刻有位, 咁就即刻按啦.
呢間係新鋪, 佢話做spa就可去舊鋪. 但係我只想做泰式按摩, 兩個鐘都只不過係550baht. 我地今日按完先去食飯.
的按摩師唔錯喎, 但相比起嚟, 都係昨天嗰間clinic嘅師傅做我好的. 不過咁樣按咗兩個鐘, 對小腿真係舒服好多.
跟著我地就去搵食啦. 而家泰國多咗呢特色van仔呀! 原來係流動酒吧嚟架. 裝哂的Disco 燈, 將一邊門窗橫開做bar檯, 放幾張櫈, 車頂升起播音樂, 車尾又放咗的檯櫈. 型爸話呢的佢就唔想試啦. 的酒都唔知真定假. 哈, 呢的流動吧使唔使攞酒牌呢.
呢間餐廳有燒雞, 有燒元蹄, 好香但唔想食呢的.
又有一間spa店
最後選擇咗嚟呢間餐廳
外面有live band, 不過我都係鍾意坐入面, 有冷氣. 又係差唔多全滿, 大部份係外國遊客.
入面有間房, 有有個好大嘅模型, 好似係一個山莊
呢道係食泰菜架.
型爸先叫泰啤, 但係我唔鍾意飲, 不過都陪佢飲半杯
的野食嚟啦. 粟米肉粒小撻
什錦海鮮沙律, 嘩! 側面拌碟嗰的菜, 好難食架. 又乾又無味.
反而的生蠔又幾鮮甜
呢個係咖哩海螺, 本來我地以為的海螺好大隻, 但原來好細隻, 的汁仲好好味, 本來我地唔食白飯, 但為咗呢的汁, 即刻叫碗白飯.
超濃嘅冬陰公湯, 好辣, 唔係好頂得住.
後尾再加咗碟生蝦. 不過的蝦就麻麻啦.
埋單1170baht.
食完就走, 要出去行吓, 因為好熱, 食食吓, 有冷氣都好似無冷氣.
又一間spa店
另一間Bar restaurant, 又有live band, 又係食泰菜
又有另外一架流動Van Bar.
行完又返酒店休息啦.
沒有留言:
張貼留言