March 17, 2012, Saturday Night
今日呢餐餸好貴呀! 一條失魂魚....無咗七佰蚊呀!
今日傍晚時分先出去買餸, 型爸話不如出埋去食飯啦. 都好喎, 二公子去咗街, 只得我同型爸.... 突然間好想食玻璃腸粉呀! 咁不如出去大埔買餸, 買完順便去食陳漢記食腸粉粥同煲仔飯啦...
開車出到去大埔墟, 先發覺唔記得帶銀包. 型爸話唔緊要, 我有錢, 佢比咗兩張伍佰蚊紙我....我問有無散紙呀, 買菜比伍佰蚊人找, 可能比人鬧喎. 型爸再比多二佰六十蚊比我. 睇吓睇吓, 同型爸講唔使比咁多我嘞, 今日唔係要買好多野啫. 比番伍佰蚊你先啦, 唔夠再攞. 唉! 都唔知算係好唔好彩, 跌少伍佰蚊, 但最終又要問型爸攞伍佰蚊.
話說型爸比咗七佰六十蚊我, 我首先去買菜, 諗著買菜先用六十蚊都夠啦. 就右手攞起三張二十蚊, 左手就將七百蚊放入褲袋(我都唔記得係揸著喺手定放咗入褲袋), 點知的菜都好貴, 買兩斤都幾十蚊就諗著攞張一佰蚊紙比佢找啦. 一摸就已經發覺的錢唔見哂, 左搵又無, 右搵又無, 前後都無十分鐘....嗚嗚嗚....真係唔見咗呀!
的錢無哂就打電話比型爸求救, 佢啱啱泊好車, 行過嚟, 叫我搵真的係咪放咗落手袋....我都想....梗係無啦. 可能我以為將的錢放咗落袋, 其實跌咗落地, 又或者我左手揸著手袋又揸著的錢(當其時好似攞著好多野咁, 右手又揸著六十蚊同張買餸紙, 真係有的混亂)...總之係無咗啦.
一條失魂魚就無咗七佰蚊啦. 唯有問型爸攞多伍佰蚊繼續去買餸啦!
型爸安慰我話唔好諗啦, 做人係咁架啦, 有得又有失, 跌咗就算啦.
不過無端端唔見咗錢, 人地得我就失, 咁有的唔開心都好正常啫.
買完餸快的去食野.....盡快忘記他啦.
今日呢餐餸好貴呀! 一條失魂魚....無咗七佰蚊呀!
今日傍晚時分先出去買餸, 型爸話不如出埋去食飯啦. 都好喎, 二公子去咗街, 只得我同型爸.... 突然間好想食玻璃腸粉呀! 咁不如出去大埔買餸, 買完順便去食陳漢記食腸粉粥同煲仔飯啦...
開車出到去大埔墟, 先發覺唔記得帶銀包. 型爸話唔緊要, 我有錢, 佢比咗兩張伍佰蚊紙我....我問有無散紙呀, 買菜比伍佰蚊人找, 可能比人鬧喎. 型爸再比多二佰六十蚊比我. 睇吓睇吓, 同型爸講唔使比咁多我嘞, 今日唔係要買好多野啫. 比番伍佰蚊你先啦, 唔夠再攞. 唉! 都唔知算係好唔好彩, 跌少伍佰蚊, 但最終又要問型爸攞伍佰蚊.
話說型爸比咗七佰六十蚊我, 我首先去買菜, 諗著買菜先用六十蚊都夠啦. 就右手攞起三張二十蚊, 左手就將七百蚊放入褲袋(我都唔記得係揸著喺手定放咗入褲袋), 點知的菜都好貴, 買兩斤都幾十蚊就諗著攞張一佰蚊紙比佢找啦. 一摸就已經發覺的錢唔見哂, 左搵又無, 右搵又無, 前後都無十分鐘....嗚嗚嗚....真係唔見咗呀!
的錢無哂就打電話比型爸求救, 佢啱啱泊好車, 行過嚟, 叫我搵真的係咪放咗落手袋....我都想....梗係無啦. 可能我以為將的錢放咗落袋, 其實跌咗落地, 又或者我左手揸著手袋又揸著的錢(當其時好似攞著好多野咁, 右手又揸著六十蚊同張買餸紙, 真係有的混亂)...總之係無咗啦.
一條失魂魚就無咗七佰蚊啦. 唯有問型爸攞多伍佰蚊繼續去買餸啦!
型爸安慰我話唔好諗啦, 做人係咁架啦, 有得又有失, 跌咗就算啦.
不過無端端唔見咗錢, 人地得我就失, 咁有的唔開心都好正常啫.
買完餸快的去食野.....盡快忘記他啦.
沒有留言:
張貼留言