March 21, 2013, Wednesday
今日又約咗型爸同陶爸佢地响福田漁米粥食晚飯呀!
以前我地都嚟, 都係食小菜, 今日試吓個粥底火鍋呀!
哈哈, 呢的粥底火鍋, 即係無米粥呀, 粥水嚟架! 純白粥底就人仔38, 但係我地叫咗個水蛇粥底, 人仔88
辣椒豉油
嚟到好肚餓, 叫咗半打生煎包. 幾好味呀! 不過的皮煎得唔係好脆喎, 但係味道真係唔錯.
我地今日得三個人, 唔敢叫太多, 叫咗幾樣野叻, 呢碟係豬面肉
新鮮牛柳, 幾腍喎.
本來叫咗竹腸(即係粉腸), 但係已經沽清, 咁唔要啦.
鱘龍魚一條, 兩斤重, 魚片要嚟火鍋
骨腩就椒鹽, 兩食唔錯呀!
我地焯完的肉先食魚, 再食的粥底....嘩! 好甜呀, 無米粥都食咗兩碗呀!
皇帝菜, 食完粥先食的菜, 咁就唔怕的菜嘅菜青味啦.
呢道的流沙奶皇包好正架.... 每人兩個... 我頂唔著啦, 要型爸頂多半個..
呢餐人仔360
非常滿足, 回家去也.
沒有留言:
張貼留言