十八號部屋的大媳婦生第二胎生了個千金, 之前已經有了個兒子, 而家湊成一個好字. 去年第二媳婦生第二胎生了個兒子, 之前有個女兒, 又係湊成好字, 有仔又有女, 真係理想.
前陣子陶媽生了陶妹, 之前有陶陶, 又係湊成好字, 真係替佢地開心.
雖然出席, 但我唔舒服唔敢食薑醋. 攞咗個玻璃盒裝起一的, 等我好番先至食.
呢的係雞酒, 佢地話無咩酒味, 叫我可以食少少, 咁食咗兩嚿雞.
嘩, 大人加細路又十幾二十人, 的小朋友就去哂後園玩, 非常過高興. 坐咗一陣我就要先走啦, 食咗的藥, 頭暈暈咁, 都係要返屋企休息. 今晚仲要養足精神出嚟BBQ呀!
今勻輪到十五號部屋啦, 佢地搬咗嚟兩個幾月, 仲話未執好哂的野, 家具都未買齊. 今日母親生日, 邀請佢老人家入嚟同所有兄弟姊妹做生日BBQ, 共二十幾人. 橫掂都咁多人, 索性攪大佢, 叫埋的鄰居一齊預演, 整個四十人嘅燒烤....
今晚的食物好豐富呀!
一張檯都擺唔哂...
睇吓的扇貝幾大隻
冬款丸類, 豆卜, 釀青椒, 大蝦, 鮑魚, 魚, 雞翼, 牛扒, 鴨舌, 蔬菜, 麵包. 講真, 我都真係未試過用釀青椒, 南瓜, 娃娃菜嚟燒烤
今次兩張長檯都唔夠坐呀!
睇吓, 開咗三個爐, 似唔似燒烤樂園呀!
我今日都係繼續不勞而獲, 都係要型爸照顧我呀! 的大蝦劏開兩邊嚟燒, 有的乾喎.
的扇貝超肥美呀!
呢份型爸燒比我食架.
攞定兩嚿蕃薯, 一嚿係我食嘅, 另一嚿係比Loki食, 佢响門口聽到我地把聲, 响到狂叫呀!
的娃娃菜用錫紙包好嚟燒, 燒起都濕濕地唔乾喎, 一臨到尾, 的菜就變得好搶手啦.
最後仲有生果. 的西瓜又係好搶手.
五號屋無鬼用, 食咗藥嘅關係, 非常呆滯, 九點幾就要先走啦. 我頂唔順要早的返屋企他息呀!
沒有留言:
張貼留言