黃山燻魚

May 2, 2015, Saturday

勞動節連星期六日有三日假期, 好開心呀!  不過今日真係好勞動, 由朝做到晚.

約咗的鄰居聚餐, 今日又要諗整的咩.


嗰日睇免費報紙, 見到黃山燻魚嘅recipe...哈哈, 唔使煙燻嘅燻魚, 我想試吓呀!   不過我自己又改良一下, 調味都加加減減

魚腩買回來洗淨, 用刀順著一條條骨切成幼條.  用薑蒜, 生抽老抽, 白酒(我用了紹興酒)醃十二小時...哼哼, 我邊有十二小時, 醃咗三四個小時咋.

醃咗幾小時後, 的魚塊變得深色(落咗老抽麻)

 
用油先炸一次撈起, 跟著回鑊再炸第二次.  只可以用中火, 唔係好易燶架.

用陳醋加胡椒粉, 糖, 辣椒粉調個汁

 

可以上檯了, 唔使用煙燻的黃山燻魚.

可能真係唔夠時間醃,的魚唔係好夠味.  本來個汁應該回鑊連的魚一齊煮, 但覺得將的醬汁分開上, 咁有的唔鐘意食醋嘅都可以食, 仲唔使煮腍的魚添.