菜心黃花魚粥

April 26, 2015, Sunday night

今早行山, 雖然唔係行的咩野難度級數, 但行吓行吓行咗三個鐘, 到中午, 出汗指數都好高, 都幾攰架.   不過今日返到屋企, 無咩得抖呀, 梳洗後休息半個小時便要開工.


好彩有Cindy, 我出門前叫佢中午蒸好的魚先拆肉, 咁我就可以慳的功夫.  本來諗著四五個人食, 買咗六條黃花魚, 拆起都有一湯碗肉.  


拆出嚟嘅骨同豆尾都唔好嘥呀, 放入魚湯袋

買咗一斤蝦, 洗乾淨先去殼, 蝦肉留起, 的蝦殼用油爆香, 放入魚湯袋

用嚟餚湯呀!


另一仲有一大盤什魚

再加埋昨晚食嘅鱸魚骨, 煎香

加埋的什魚落去煎

用個鑊又再餚多的魚湯

用Shuttl Chef煲咗一鍋好稠嘅白粥

跟著再用的魚湯將的粥煲開.

另外烚咗一斤菜心, 撈起瀝乾切碎/

哈哈, 本來諗著今晚都只係四五個人食, 但叫吓多一兩個, 叫吓又多一兩個, 結果我要臨時加多一杯米再煲多的粥. 我家做主埸, 好忙呀!  到落菜心落魚嘅時候, 咩都唔記得影呀!   鍋粥真係好正架.

哈哈, 人多咗, 攪到林太又要加多一倍麵, 豉油皇炒蝦子麵+炒鮑魚麵


臘味炒芥蘭

臨時叫嘅Mrs Kua無時間整, 買咗兩盒陳六記燒肉


我就炒咗兩碟XO醬雞蛋炒蘿蔔糕

另外炸咗芝士年糕....哈哈, 心急, 的年糕炸得唔靚呀!

款式唔多, 但係量夠, 大家都食得好開心.  

十個人, 我十一公升煲嘅粥, 都只係食剩一湯碗, 勁呀!

我地都真係有的過份, 哈哈, 食粥炒麵啫, 都飲咗好多枝酒.  一枝香檳, 一枝Sparkling wine, 兩枝白酒.   Whisky之前已經開咗, 不過都應該飲咗大半枝.

大家又過咗一個開心的晚上.