勞動假期行山樂

May 3, 2015, Sunday

呢個勞動節假期都真係好勞動, 星期五星期六勞動咗兩日, 今日又一早出去行山.

八點出發, 呢排無行咩野新路線, 都係谷埔鳳坑, 上尤德亭, 再落山.  我地嘅目的係行幾個鐘舒展筋骨, 行完又行都無所謂啦.

 
一口氣行到上尤德亭先休息


跟著由另一面山路落山.


呢條路好耐無行過, 見到呢的日久失修嘅爛屋先記起, 呢道只係行第二次咋.

落山行咗四十五分鐘回到鹿頸陳屋(老圍)

跟著行番出車涌

今日响觀音廟對著嗰間強記食午餐, 不過今日唔佢地的服務真係唔得, 我地要了兩碟腸粉兩碟燒賣, 點知佢地懶到將四碟放哂落一碟, 問佢我地每樣要兩碟, 點解放哂落一碟.   點知嗰位星期六日先出嚟幫手嘅小姐, 竟然同我講落單又唔出聲...有無攪錯, 兩碟腸粉兩碟燒賣唔係已然講得好清楚, 唔通一落單就要叫佢千祁唔好撈埋一碟.

本來呢道的奶茶ok架, 但今日的奶茶一的茶味都無, 的餐蛋麵豬扒米都要等到天長地久...下次都有排唔會幫襯.