聚德軒飲茶慶生

April 11, 2016, Monday

星期五睇咗醫生, 點知食咗的藥一的都無好轉, 仲病重咗的.   本來今日唔返工, 但應承咗今日同慢魔魔慶祝生日, 星期五己經因病延到今天, 今日又延期就唔好啦.

今日麻煩鬼提議去聚德軒, 又好喎, 好耐都無嚟過啦.

聚德軒响尖東都開咗十幾年, 同德興酒家同一集團, 以前的點心都幾好食架.

今次嚟到都無失望, 淨係食碟煎腸粉, 都比起百樂門好好多...(百樂門的點心實在太粗糙)

义燒包, 潮州粉果, 好味

腐皮卷, 鹹水角....麻煩鬼我唔舒服你做咩叫咁多炸物

魚翅餃

鯪魚球

仲要多個午市孖寶, 炸子雞 加

肉絲炒烏冬

 
連埋秘書小姐, 我地今日四個人, 叫咗十樣野, 又係附合2.5的原則.  但都好夠, 差的都食唔哂.

埋單HK$313, 羅漢請觀音, 祝慢魔魔生日快樂!

呢道的點心真係幾好, 要多的嚟幫襯先得啦. 價錢亦都唔會貴.   但的野食就比百樂門好好多呀!