生曬蠔豉海鮮粥+ 乾炒黑椒牛肩肉意粉

April 3, 2016, Sunday night

 好耐都無打過麻雀, 今日行山時同組長夫人同另一組員講起,   即興話要打麻雀(嘩, 我好似兩年幾都無打過台灣牌).  即刻call鄭小弟媽(又係由鄭小B升咗做鄭小弟, 連鄭小妹都有埋啦)....點知鄭爸去咗拜山, 無人看小朋友..... 跟著再去搵林老闆....點知佢唔得閒, 要晚上九點半先得....

有咩慘過三決一.....諗著無得打啦....哈哈, 無有怕, 有型爸, 佢話肯做"櫈"腳.   雖然好唔鍾意兩公婆落場, 但為咗解決三決一呢個咁嚴重嘅問題, 都無法啦.    型爸話佢"櫈"腳到林老闆嚟就起身.

好啦, 有腳啦, 又要諗吓今晚咁多人食咩好呢....有, 煲粥炒麵啦.

平時食粥麵多數都係做午餐, 今日要嚟做晚餐!

行完山返到屋企, 馬上叫Cindy煲落粥底, 屋企仲有生哂蠔豉...組長又話出去買蟹及魚...


嘩, 兩年幾無打台灣牌, 即刻要攞張番數表及牌例出嚟睇呀先.....暈, 一的印象都無.  呢張台灣牌番數表, 整咗好多年啦.

 成五點鐘先開檯, 好high呀!  原來組長屋企買咗電動麻雀檯我都唔知添, 佢話買咗一年幾都有啦...我都係第一次打咋.

不過打咗一個東(四圈)就要起身, 因為我要去攪攪今晚的晚餐

煲好嘅粥底先攞一半轉煲做生滾粥, 加豬肉/魚肉丸, 跟著再落埋組長買的蟹及泥鯭


嘩, 呢煲粥好味到....粥底係腐竹白果瑤柱加蠔豉.....跟著再落蟹及泥鯭....好味道以為落咗師傅呀!

 
跟著叫Cindy炒個黑椒牛意.   的牛肉係牛肩肉, 一的都唔會韌架.

再叫佢整個涼拌菜

而我就用Airfryer 烘魚乾, 再嚟個煙肉炒椰菜.

呢餐快手快腳都忙到一頭煙, 如果我唔出手, Cindy實攪到九點都未攪得掂.

整緊嘅時候, 兩位靚太猛叫我坐低食咗先, 但如果我坐低食, 佢地就無得食架啦.   不過食粥唔緊要啦, 攤到無咁熱食仲好啦.

哼哼哼, 煲粥炒麵都比我攪咗咁多樣野出嚟, 請人食晚飯都唔失禮啦.

食完再去組長屋企繼續打麻雀, 型爸櫈腳多一個東, 林老闆接手打多兩個東....今日共打四個東(十六圈)....哈哈有少少斬鑊咁啦.

明天清明假期唔使返工, 夜的瞓都無所謂.

好耐無做個呢的手部及腦部運動, 好開心呀!