醫生今次開的藥真係犀利, 我已經無食藥兩三日, 個胃仲係好唔舒服, 個頭都仲係有的混沌, 應該係未完全好番. 但的藥食到我怕, 唔想再睇醫生, 食的日本胃散頂吓先, 希望自己抵抗力好的, 慢慢好番. 真係唔想再睇醫生啦.
今天好興奮(腎上腺素增加應該有利對抗病菌), 上次去組長屋企打電動麻將機, 覺得好好玩, 中國人多聰明, 發明咗麻將機十幾年, 而家國內好多人都有一部. 我咁貪玩, 又想擁有一部. 但香港買好貴, 要八千幾王萬幾文一部, 咁我又唔會買啦. 馬上去淘一淘. 卒之淘咗一部, 但為咗慳運費都好轉折, 要人幫忙提貨, 又要送去鄰居間廠, 又要鄰居幫忙用中港車攞落嚟....哈哈, 打咗好多張人情牌.
今早鄰居送到嚟, 型爸同我就一齊玩安裝... 初時好多唔明....又要同賣家聯絡, 攪咗半天, 唉, 有問題... 又要解決.
攪咗半天唔攪著啦, 快的去買餸, 攪掂今晚晚餐, 仲有諗吓明晚要食的咩呀!
睇吓今晚有咩餸....
個胃好現實, 無事就會好胃口, 佢唔舒服就會要我食少的架啦.
今晚早的瞓, 休息好的, 明天要竹戰呀!
沒有留言:
張貼留言