April 1, 2016, Friday
今日約咗會計師朋友食飯, 上次同佢去過蛋家佬, 覺得的餸都煮得幾好食, 今日又再去過.
的野好食, 但去到唔滿座, 即時有位. 睇吓餐牌, 繼續做緊午市特價.
講真, 如果唔做特價仲少人嚟食呀. 無法啦, 咩都貴, 租加材料加, 淨係人工加得最少. 想有生意, 午市都一定要經濟小菜嚟做招來.
今日叫咗梅菜蒸鯇魚, 的梅菜好好味呀!
豆腐火腩飯, 都唔一定係男人的浪漫. 我都覺得幾好味
仲有碟什菜送(二人份). 以前一人一碟, 現在係每檯一碟.
兩個人三個餸, 每人仲有一碗例湯, 真係好夠呀!
埋單HK$114. 抵食.
沒有留言:
張貼留言