麻醬涼拌鮮淮山

April 23, 2016, Saturday

今晚我地有聚餐, 又要諗吓整的咩. 

咦! 買咗鮮淮山諗著煲湯, 但又未買西洋菜, 咁用的鮮淮山嚟做涼拌菜都好喎!

的鮮淮山好似條柴咁, 但刨哂的皮就會白雪雪.

預備一盤鹽水,  將刨哂皮切片的淮山用鹽水浸10分鐘

跟著瀝去水份, 放入蒸爐蒸10分鐘.   其實鮮淮山可以生食, 但我頂唔著的黏液, 食落喉又唔舒服, 都係蒸蒸好的.

蒸好之後排在碟上, 我再放入雪櫃雪凍佢.

食時淋上麻醬就可以....好味又有益呀!