梨花園 - 餞別Akiramay

2011年2月19日下午2:45公開累積瀏覽 17 0

February 17, 2011, Thursday , 氣溫唔係太冷, 但落雨, 天色昏暗又無陽光, 覺得又濕又凍

 

今日約咗Akiramay食飯同佢餞行.  佢2月19日飛啦, 要同女兒到澳洲住一年呀!  我好唔捨得佢呀!

問佢想食咩野, 其實大家都無咩意見, 我地都係搵個地方傾吓謁啫.
Akiramay 最後揀咗去梨花園食石頭鍋飯, 都幾好呀, 夠哂暖呀!

我一見到呢五小碟已經開心, 但今日覺得好凍, 唔係好想食冷盤.

我叫咗鰻魚石頭鍋飯, 唔使10分鍾就送到嚟

Akiramay叫咗什錦石頭鍋飯就等咗差唔多25分鐘先送到嚟.  其實兩個鍋飯分別不大, 只係我面頭嗰的係鰻魚, 而呢個什錦面頭嗰的係牛肉碎.  最主打係嗰碟用嚟撈飯嘅韓式甜辣醬, 撈咗落去真係好好味.

天時咁凍, 食番個石頭鍋飯真係全身暖哂(同我地中式煲仔飯有二曲同工之妙).

Akiramay, 真係好佩服妳下到這個決心, 放棄做了十幾年的筍工, 而去陪女兒一年.  另一個角度就係好羨慕妳可以過一年逍遙的生活, 可以做好多以前想做又未能做嘅野...

我衷心祝福妳事事順利...今回肯定廚藝大進...

 一年好快過, 可以喺facebook, blog同妳傾謁都係一樣啫.