2011年2月1日 星期二

鯉魚門海皇園林酒家年夜飯


2011年2月1日下午3:53公開累積瀏覽 49 0

 
下午怱怱忙忙, 要去買餸, 又要去探媽媽.  過年的物品都未買齊, 但時間唔夠, 明天還要繼續去買.
 
晚上應型爸朋友的邀請, 去鯉魚門食年夜飯. 已經參加過幾年, 每次都好開心, 因為每年嘅大抽獎都非常豐富.
又係呢間海皇園林酒家, 
全晚除拔蘭地之外, 就係serve呢隻紅酒
今次嚟好可惜, 伙計唔夠, 出面已經好好生意, 佢地攪掂哂的街客, 先攪我地20圍, 攪到成十點先開始有得食.  雖然有樂隊助興, 又先開始抽獎, 但都真係好肚餓. 其實都知佢個廚房攪唔掂.  但先兩年又無攪成咁喎.
第一道菜就係白汋蝦, 的蝦都幾靚幾好味.  但食完呢碟, 等咗成半個鐘先再到下一味餸.
呢段期間就開始大抽獎...有幾十部手機, 不過仲未抽到我地...
呢碟就係等咗半個鐘嘅椒鹽瀨尿蝦, 失望...的瀨尿蝦唔靚.
蒜蓉粉絲蒸扇貝, 好味
薑蔥蒸鮑魚, 好味, 覺得洗得唔夠乾淨.  如果自己屋企洗, 會洗到白雪雪.
呢碟係龍dun炒球. 炒起的肉有的嚡
呢碟係骨腩, 一舨
薑蔥蟹, 麻麻
酥炸生蠔, 炸得幾好喎
西生菜, 呢碟ok喎.
炒飯, 無食, 唔知好唔好味.
最後仲有一大碟生果盤唔記得影相.
可能圍數太多, 的野真係煮得麻麻.  我地今次都ok好運, 我抽到一隻金兔, 另外二千蚊現金獎, 其實二千蚊現金獎應該係型爸中, 但二公子搶著去領獎.  不過就算抽唔倒都有安慰獎五佰大元, 真係人人都咁開心.
食完飯都成十一點半, 返屋企lu...

沒有留言:

張貼留言