今日睇報紙, 看到一篇報導(免費報紙AM730)有關腹主動脈瘤, 非常留意呢個病, 因為媽媽過年前做嗰個大手術, 就係呢個腹主動脈瘤.
媽媽算非常好彩, 從來都唔知有呢個瘤, 只不過因為腹痛去醫院, 醫生摸肚痛位置, 再摸另一面時, 發覺有的異常而幫佢做超聲波. 一照, 發現個血管瘤已經有7.5cm大, 比5cm警戒線超出很多, 要即時入院, 因為隨時會爆, 如果爆咗, 就算即時送醫都九成救唔番. 醫生話一定要做手術(風險很大, 因為血管瘤的位置近去腎臟血管的轉角位, 唔可以做微創手術, 要做傳統外科手術), 但無得選擇, 因為無人知個血管瘤幾時突然會爆, 或繼續脹大而令佢隨時爆. 但呢個血管瘤同佢腹痛完全無關, 最後發現佢腹痛原因係胃發炎加十二子腸潰瘍.
手術成功, 但手術後媽媽未能自行排尿要插尿喉, 再加上佢無咩胃口, 食野少, 飲水少, 唔願意落地行去鍛錬肌肉, 如果繼續落去, 以後都可能要揹著個尿袋. 再唔行, 肌肉會痿縮, 到時要坐輪椅, 想行番就更難....真係唔敢想....
Quoted:
60歲以上高血壓吸煙屬高危一族 腹主動脈瘤死亡率達九成 (2011年2月14日)
沒有留言:
張貼留言