買完野返到屋企都兩點幾, 放好的野就開始整脆皮年糕. 不過今次用嘅材料唔一樣, 上次聽Mrs. Kua講佢嘅做法, 雖然無recipe, 大概都知道點樣整.
材料: 忌廉(cream)2杯, 鮮奶1杯, 糖380g(我用自己嘅recipe估計, 再減咗20g), 雞蛋2隻, 糯米粉500g.
做法: 將雞蛋打勻, 與糖,牛奶,忌廉拌勻, 最後將糯米粉篩入拌勻至沒有粉粒. 最後將粉糊過篩落焗盤(令的粉漿更幼滑). 入焗爐焗1小時. 這個recipe同之前整嘅雞蛋椰汁年糕一樣, 份量頗大, 要用大焗盤, 如果焗盤細, 粉糊太厚好難焗得熟.
粉糊攪掂落焗盤, 因為只落兩隻雞蛋, 顏色比較奶白.
放入焗爐啦.
焗嘅時候, 個糕升起, 但升得好平均, 唔會四面飛起.
呢個recipe焗起靚仔的喎, 無個雞蛋椰汁recipe四個角飛起咁醜樣. 個面有少少裂紋幾好樣. 我無焗到一半將佢翻轉, 因為想睇吓焗起個底係咩野樣.
焗起翻轉, 見到個底都係未脆
將佢(翻轉放入焗架)放入焗爐多焗10分鐘
啱啱焗起, 全部人到齊, 香氣四溢, 佢地想即刻食.
個年糕其實仲係好熱, 但佢地真係好想即時食, 咁好熱都切啦. 的皮好脆, 但因太熱, 切嘅時候的年糕黏實把刀. 所以切起都唔係好靚.
食落真係幾好味, 不過真係好熱, 個年糕入面又軟又黏, 一食就已經食咗大半底. 但係食緊嘅人分咗兩派, 一半話雞蛋椰汁年糕好味的, 一半話呢個好食的. 咁我話點好呀? 下次整邊樣好呀? 唔通每樣要整半底?
剩番少量, 又包起少少比無嚟到嘅嬸母(佢要照顧年紀大的媽媽)
食剩最後一嚿時, 個年糕已經cool down, 咬落去依依韌韌真係又幾好味喎.
結果係全部沽清, 一件不留.
沒有留言:
張貼留言