粉皮用滾水浸至轉色, 瀝乾備用
將粉皮放上碟底. 大魚頭洗淨(叫魚檔幫我一開四), 呢個魚頭都要HK$50. 諗著的剁椒醬頗鹹, 魚頭無落鹽呀
切咗兩隻指天椒, 切碎的薑
用兩湯匙蒜蓉(我常常整好放入雪櫃, 每次一攞出嚟就用得), 爆香指天椒及薑碎.
跟著加半瓶剁椒醬一齊爆香
爆起又香又靚呀!
將的爆香嘅醬放上魚頭上
我用蒸爐, 要蒸17分鐘. 如果用鑊蒸, 大概10-12分鐘就應該ok啦.
我係用呢款剁椒醬
蒸好之後, 將的魚水倒掉一半
灑上蔥花, 再加上自己調味的豉油熟油
因為我加了粉皮, 豉油調味好重要, 唔可以太鹹, 唔係的粉皮就會好鹹. 今次我嘅豉油調味淡咗的, 食時加少許生抽就啱啱好啦.
到晚上有時間, 再去睇番玻璃朱城嘅做法, 原來佢會用鹽, 生粉, 酒醃吓個魚頭, 我就無做呢part. 的椒剁醬亦都唔係放上魚頭面醃好耐. 基本上我爆香的醬就加上魚頭面就入爐蒸啦. 唔怪得知我呢份魚頭有的淡啦, 不過我後加的豉油, 都幾惹味, 的粉皮都幾好食添.
沒有留言:
張貼留言