三釀梅酒 2014

April 27, 2014, Sunday Night

今日頻撲了一天, 買了什麼?

四大袋青梅, 每袋都六磅

 

這幾瓶5L的酒, 跑了幾家才買到.   最後只買了兩酲九江雙蒸.   後來去開的雜貨店叫我買她們的廣東米酒及松鶴雙蒸, 好說她賣了很多年, 只是這個品牌沒有賣廣告, 沒有九江雙蒸那麼出名.  在買不到九江雙蒸的情況下都買啦.   梅已經買了, 不可以等下星期再去買.

回家後將兩款雙蒸試味, 真的差不多.  而廣東米酒, 去年已用過, 浸了一小瓶蜂蜜梅酒,   非常好味.

 
買了青梅及酒, 忘記了買糖, 又要去買, 買了兩包冰糖, 5包單晶兼冰糖, 8包單晶白冰糖. 今天買不到黑糖, 結果買了兩包紅糖(只用了一包).

為什麼買了四袋六磅青梅, 因為我計算過, 六磅青梅配一酲5L的酒, 應該啱啱好.

响八號部屋聚完餐都已經差唔多十點, 我先開工呀.   青梅已經叫Ruby幫我洗淨風乾

幸好之前問了八號屋及林太, 他們都有大空瓶可以借我, 我先咁大膽嚟一次大量製作

空瓶洗淨後放入焗爐50度, 20-30分鐘消毒

今次太多梅, 唔用牙籤刺孔啦, 改用豬插針, 每個青梅插兩下都夠啦.  不過咁樣整, 都整咗我四個多小時.

用了兩個8L瓶, 四個5L瓶, 兩個2.5L瓶

兩酲九江雙蒸, 分了三大瓶, 兩瓶7.6L


一瓶5L

兩瓶5L 松鶴雙蒸

廣東米酒就分了三瓶, 一瓶2.5L

兩瓶1.25L, 這兩瓶都落了紅糖.

我記得去年買九江雙蒸, 佢地有個leaflet 介紹酒, 梅, 糖的比例是1:1:0.7, 浸三個月便可以.  今次兩酲九江雙蒸, 我將梅的比例提高(雖然唔係1:1), 希望浸泡的時間可以縮短, 咁咪早的可以飲囉.   哈哈, 適當時候, 我會開嚟試吓啦.

整完之後 仲要搵個清涼地方存放.

瞓落床已經兩點幾, 真係腰酸骨痛, 明天仲要返工呀!   係咪攞苦嚟辛呢!