2014年5月24日 星期六

獅頭鵝+鵝肝

May 19, 2014, Monday

昨天帶回來的獅頭鵝, 今天食啦.  實在太大隻, 雖然只得半, 三個人都唔會食得哂.  所以只係食一半.

 只係斬了上半胸加埋鵝頭鵝頸已經好大碟.   放入蒸爐蒸十五分鍾就ok啦.   食落依然美味.

  
 呢個係獅頭鵝肝, 睇落比我地想像細一點, 咁都食得安心的.   唔係好似的法國鵝肝, 夾硬谷肥的鵝, 得的肝發大,咁即係的鵝隻隻都係有肝病.  呢的獅頭鵝肝, 應該係正常情況下餵養, 同鵝身的比例正常的.

  
 切落去仍好柔軟, 唯一不好就曷太鹹了.  不合是不帶回來時, 仍用滷水汁浸著.   上次去深井裕記食酒釀鵝肝, 比呢款獅頭鵝肝硬好多.

除了滷水鵝及鵝肝, 今餐仲有:

 涼瓜鴨胸

 肉碎豆腐

 五指毛核瘦肉湯,三個人食, 大豐富, 食唔哂啦.

 同場加影, 隆江豬手....

呢隻豬手我無份食架, 我們只有一家買了, 我怕肥膩, 無訂到, 呢張係佢地拆開時,我即時影相, 隻豬手原來好大隻, 睇落似元蹄.  另一家切了三份一試吓.

呢幾日食得太豐富, 豬手可以唔食啦.

沒有留言:

張貼留言