昨晚燒烤完畢, 今日就好忙啦, 因為我決定要再買青梅再浸梅酒, 仲要大量製作.
開車去上水, 見到的青梅都唔靚, 去買九江雙蒸, 那間店只有兩酲存貨, 想買多兩酲都無. 最後都係開車去大埔, 去到大埔買到青梅, 再去搵5L的九江雙蒸, 又係無貨, 真係有無咁誇張呀!
哈哈, 兜兜轉轉攪咗一個早上, 最後買漏野,又開車去上水, 真係汽油錢都花唔少呀!
攪到兩點都未食晏, 當我地諗著唔知去邊道食時, 型爸見到有一間新開的小店, 都唔使考慮, 入去試吓啦.
呢間叫一品乳豬廚房
嘩, 下午茶义燒瀨粉HK$13...海南雞半隻配油飯都只係HK$58... 就叫呢兩樣啦.
叫海南雞飯送例湯
碟飯嚟到好正呀! 半隻雞, 有我幫手食呀. 型爸話的油飯好好味呀!
我頻撲咗一朝都無咩胃口, 食碗細細地嘅义燒瀨粉得啦, 不過送到嚟唔係瀨粉, 係米線. 算啦, 十幾文想點呀!
食時睇吓的餐牌, 有酬神孖寶HK$398, 都算抵.
再睇吓呢道午市竟然仲有的二十文起嘅飯, 而家都算難搵, 唔怪得之有咁多人幫襯.
埋單時見到張單係芯怡餐廳....哦, 原來係同一老細....上水好似有好多間芯怡餐廳喎.
沒有留言:
張貼留言