April 26, 2014, Saturday Night
响我地呢道住真係開心嘞, 不時都會有party, 不時都有聚餐.
今日陶媽約陶陶的同學家長嚟燒烤, 我地又被邀參加, 真開心呀!
咁我梗係唔會空手去啦. 又好似上次自己屋企燒烤咁, 煲粟米水呀!
煲好先去衣一開三, 唔會浪費又好味呀! 十二枝粟米, 變了三十六件, 一定夠食啦.
的水就入瓶攞去一齊飲,
呢款飲品, 大人細路都鍾意, 三壺好快就飲哂啦.
幾款不同的腸, 沙巴買回來的大蝦
牛扒羊扒雞翼一大堆
初時個個都用燒烤义, 燒咗一陣就改用架燒. 快的又可以一次過燒多的. 五號屋一向都係要等不勞而獲的食物...等型爸燒比我食啦.
除咗粟米及栗米水, 五號屋又提供自家製的梅酒....嘩嘩嘩, 大家都對的梅酒有讚無彈, 激起五號屋要再浸多的梅酒先得啦. 一晚飲咗三瓶...我去年大約浸咗九瓶....咁好快咪會飲哂囉!
大家傾開浸完梅酒的梅可以做咩, 我話用嚟炆豬手好味架....點知佢地即刻話要試, 我地明天要攪即興potluck呀!
唔止粟米栗米水同梅酒, 仲有五號屋的腐竹薏米蛋花糖水呀! 不過今次唔係樹記腐竹...無辦法去過幾次都排長龍. 唔買啦. 到我寫呢編blog時, 樹記傳出兄弟不和要結業, 可能有排都無得買. 不過我覺得佢地分家後再開嘅.
跟著仲有水果同雪糕涼粉....實在太豐富啦.
陶陶同學的家長都唔相信我地呢道有一班咁好的鄰居, 佢話好似拍戲咁呀! 今日大人開心, 小朋友又玩得好開心呀!
沒有留言:
張貼留言