青梅炆豬手

April 27, 2014, Sunday

忙咗一日去買青梅同酒, 返到屋企都唔可以停, 因為今晚聚會我要整青梅炆豬手呀!.

今日大約有十個人食, 型爸話預每人三四件, 我都唔知要煮幾多, 結果買咗六磅幾七磅豬手.  

的豬手買回來洗淨汆水, 先用高速煲炆20分鐘, 咩野調味都唔使落.

炆好之後的水唔要, 去咗好多肥油呀!

跟著再用過濾水洗一次,睇吓的豬手已經一的都唔肥膩.

 
今次用嘅青梅, 係自家製剛成熟的黑糖梅酒的梅.  因為用黑糖浸過, 的顏色好深

本來用個26cm Staub, 用薑起煲後, 加的豬手落去爆, 但豬手太多, 個煲變得太細, 郁唔到.

唯有轉落五層鑊去煮, 薑蒜起鑊

加咗20粒浸完酒的青梅, 加調味(老抽生抽糖鹽)一齊炆.  炆咗十幾二十分鍾試味, 覺得今次的青梅唔夠味, 我再加多幾粒. 

一早放落去嘅青梅, 炆完的梅肉差唔多溶哂, 但後下嗰的都仲係幾完整.

的鄰居話好好味, 又唔肥膩! 但我就覺得今次的青梅無上次用的青梅那麼清香.  不知是否今次的梅酒加了黑糖, 浸完的青梅味道不同了, 跟上次林老闆送給我的梅酒是原味的.  林老闆話佢的梅酒係叫日本餐廳用紀州梅加大吟釀浸泡出來, 可能真係有的分別呀!

不過預一人三四件實 在太多啦, 當晚有咁多野食, 每人食一兩件都好夠啦.