2014年11月2日 星期日

秋葵三文魚蕃茄豆腐湯

October 16, 2014, Thursday

呢排常常買秋葵 , 因為型爸話要食.  秋葵對身體好有益, 屬高纖食物,能通便排毒減肥,而它的黏液有保護胃壁的作用, 對糖尿病或瘦身都有幫助.

秋葵又叫毛茄或六角豆, 但我最鍾意佢嘅英文名lady's finger.

呢排都用嚟煲三文魚骨腩蕃茄豆腐湯.   將的三交魚骨腩煎香灒水, 的湯白白的, 再加入蕃茄豆腐.

煲好最後先加秋葵.  上兩次煲都係將幾條秋葵切開, 煮好的湯試味, 最很加秋葵就熄火.  唔敢煲太耐.  但今日落足一包, 唔切開.  咁可以煮幾分鐘.

煮熟後嘅會產生黏液, 滑潺潺的唔係好多人鐘意, 但呢的滑潺潺的黏液,先係正野,好似銀耳、海藻、花膠一樣令皮膚水潤亮澤和保護骨關節潤滑的作用.   我無將的秋葵切開, 的滑潺潺食哂落肚.  頂唔著嘅會覺得好核突.

其實淨係呢個湯都可以食飽.  的三文魚腩煲咗湯都仲係好好味.  而魚骨的肉就會益Loki, 佢鍾意食到兩眼發光呀!

咁今餐梗係唔止淨係飲湯啦. 仲有其他餸.   呢個Cindy繼續傻吓傻吓慢吞吞

 
焗咗好多次嘅香辣雞翼, 繼續要問我焗多度 (好似仲係唔記得焗爐點用, 叫佢寫低又係yes, yes, yes 傻笑).

用蒸爐蒸魚又問我要幾多分鐘.

只有炒菜心係唔使問.

二公子突然話好想食午餐用, 咁煎幾塊比佢過吓口癮.  佢同型爸都鐘意食, 但我唔想佢地食咁多.

今餐四餸一湯, 但我最鍾意個湯.

我真係忍唔著Cindy的慢吞吞, 蒸魚豉油又唔整定,整完一樣先第二樣,咁食時的餸咪凍囉. 我又快手快腳幫手.....

平時二公子好少理的工人, 佢今日忍唔著, 媽咪你放咗工咁辛苦唔好理佢啦, 妳休息吓等佢煮啦, 明天要佢煮一模一樣嘅餸, 煮到識煮為止.....

阿仔,你講就易, 要幾天食一模一樣嘅餸, 咁咪好似受刑.... 到時會唔會投訴呀! 

沒有留言:

張貼留言