又嚟煲仔飯+什魚湯

October 19, 2014, Sunday

昨晚去林家火鍋, 都唔記得講咗的咩, 林老闆就打蛇隨棍上, 又話要嚟我屋企食臘味煲仔飯. 佢話上星期好好味, 今個星期要encore.

 

 哈哈, 有咩所謂, 煲仔飯完全無難度.  三杯米我都可以掌握得好好啦.   豉椒排骨臘味煲仔飯.  一打開真係香到不得了.

的臘味林老闆贊助, 鴨潤腸, 臘腸, 膿肉, 臘鴨髀

上星期去煲咗蓮藕豬骨湯, 今次煲什魚豆腐湯

今日二公子响屋企食飯, 我即刻整多幾樣餸

帶子鮑魚菇炒蜜豆

反炸豆卜

二公子唔鍾意食有骨嘅排骨(所以我成日都買黑豚梅頭粒) 但林老闆話要食有骨嘅排骨飯, 咁就整咗一碟蓮藕煎肉餅

五個人一湯四餸加一大煲仔飯,真係好豐富.

個大食Cindy真係誇張, 我比咗好多餸加飯一大碟(起碼有兩碗飯), 見佢差唔多食完, 我係咁意問佢仲要唔要煲仔飯, 佢笑著仲想要, 再裝多碗幾飯....哈哈, 林老闆睩大雙眼, 真係估唔到佢咁大隻.

哈哈哈哈, 我以前請的工人都係咁, 初時嚟到樣樣都喺咁食, 通常我都由佢地, 食到佢地自己覺得肥咗就自然唔會食咁多架啦.