2014年11月15日 星期六

朋友家吃大閘蟹

October 26, 2014, Sunday

昨晚我地出咗去食晚飯, 今晚又去朋友屋企食飯.   當我同Cindy講時, 佢昨晚幾開心架,  唔使煮麻, 但今晚再同佢講, 覺得佢好像有點失落, 唔知係咪唔使煮比我地食, 咁佢自己煮比自己食, 好無趣呢!

我地呢幾日食神駕到, 係咁有得食.

型爸的朋友住錦繡花園雙連單位, 户外有個中式蒸爐,一次過蒸十幾二十隻大閘蟹

二公子今日放假, 我地一家人去食, 帶咗2 Litre紹興酒做手信.   二公子食蟹麻麻地, 但見到咁多蟹都食一隻啦.

的蟹小頗大隻

入面仲好多膏, 係白膏呀!

都未食完, 第二輪蟹又到


除了蟹, 仲有炆豬手要嚟送油.

佢地個菲傭姐姐做咗二十一年, 幫朋友湊大兩個仔女, 佢地已經係一家人.   佢好攪鬼

煮咗兩碟西式意粉, 肉醬墨汁意粉, 一碟黑色.

一碟白色.

食吓食吓, 食咗三隻大閘蟹, 太多啦....唔覺唔覺...飲咗好多紹興酒呀...計吓計吓, 加埋我嗰2 litre, 飲咗十支都有呀!.....唔使驚, 我地唔會酒後駕駛, 今日有二公子開車送我地返屋企呀!

返到屋企, 醉醉地都要盡快梳洗...跟著馬上撻咗落床覺覺豬呀!

沒有留言:

張貼留言