2015年3月22日 星期日

又到別離時

March 7, 2015, Saturday
 
大公子返嚟二十天,  頭尾兩天坐飛機,  其實都只得十八天, 眨吓眼今天就要走了.

由他回來那天起, 都未曾在家吃過晚飯, 昨晚型爸話在家打邊爐, 咁我地都係食的菜, 魚, 牛肉, 丸就算啦.

不過一家團圓, 大公子又喜歡吃湯丸, 昨晚就煮勁薑湯糖水湯丸啦.

我地都教大公子要有孝心,  昨天去了拜爺爺, 我再拿日本買回來的手信去探婆婆.

 
今天一早圾執好行理, 放在車上出去搵女麻女麻 飲茶.

不過一起身二公子就話個肚有的唔舒服, 但又講唔出咩野.

咁跟著送佢去機場啦, 嘩, 去到咁多人排隊嘅, 唔係吖麻, 要delay 10小時, 零晨兩點先起飛...排隊等緊嘅時候, 大公子開始肚痾, 短短幾十分鐘已經痾咗三四次.

加航又唔肯安排酒店, 有唔肯陪的士費.  只係陪兩張meal coupon, 每張HK$75.  我聽到有個乘客話, 你地delay, 我打電話問, 你地位小姐叫我出機場安排酒店, 而家又話無....唉, 我都唔想聽落去.  但佢要我地先check in 哂的大件行理, 今晚揸著張boarding pass就上機.

咁多年, 大公子來來回回都係坐國泰, 今次佢為咗慳C$300, 改坐加航, 佢話以後都唔坐啦.

大公子好似真係好唔妥, 我點會比佢响機場等, 點都返屋企先.

返得屋企就唔會用佢嘅meal Coupon, 咁去Starbucks用咗兩張coupon.

上到車大公子好唔掂, 一上車即瞓咗响道.   咁我地即刻車佢去睇醫生.   醫生話佢感冒菌入腸.

返到屋企食咗藥就瞓, 瞓瞓吓開始發燒....真係嚇死我啦, 咁樣今晚點上機, 的行理又check in 哂, 改第二日都唔得.   叫佢連續打孖食咗兩粒退燒藥.

比佢瞓, 瞓到晚上十一點, 探熱, 無咩發燒啦. 不過佢話個頭仲好痛.

煲咗的瑤柱白粥佢都只係食咗幾啖. 

零晨十二點, 送佢出機場.   去到加航check in counter 一個人都無, 即係話今日的人下午已經check in 哂的行理.   咁仲有一個service counter, 我問佢幾多號閘口就送佢入閘.

攪到我成晚心掛掛, 都唔知今次delay係好彩定唔好彩, delay10鐘就無人想架啦, 但如果唔係delay, 大公子病成咁, 如果無睇醫生上咗飛機都唔知點.

到第二日佢返到去報平安我放心的.   第三日佢話all the headaches are gone, 無哂事啦.

放心哂啦!

沒有留言:

張貼留言