2015年3月17日 星期二

京阪神和歌山自駕遊 - Day 4

Mar 2, 2015, Monday

昨天整天落雨, 今天變得天朗氣清, 心情都好的.

打開窗望出去, 好舒服呀!

雖然天色轉好, 但都係決家唔去呢個白濱瞭望塔, 應該無咩野睇.

今日我同家姊又換咗另一套靚靚浴衣落去食早餐, 哈哈, 全餐廳又係得我地兩個件衣服特別的.  不過的和式早餐麻麻地, 係咁意食的就走啦.

昨天食咗好多魚生, 姊夫話唔要食魚生啦, 要去神戶食神戶牛...哈哈, 型爸大力讚成.   呢的就係自駕遊自遊行的好處, 想改就改.

十點幾開車, 諗著去到神戶食晏就啱啱好.

要開成兩個幾鐘頭車, 開到一半, 我地去休息站飲杯咖啡, 咁型爸就唔使連續開車幾個鐘咁辛苦


有間Italian Tomato, 買幾杯咖啡

咖啡都幾香, 唔錯喎.


仲有呢個脆皮奶皇包都幾好味

兩個仔買咗兩杯雪糕, 佢地話好好味.

原來係呢道出名嘅蜂蜜雪糕, 我都買番個食吓, 食落又真係幾好味喎.

500yen一杯

當我地好輕鬆咁以為好快就開到神戶, 點知阪神高速大塞車, 加埋我地又要周圍搵, 結果去到神戶兩點幾.


咁見到呢間食神戶牛, 就入去啦...點知個waiter話大晏啦, 佢地收三點, 唔再招呼客人, 激死呀!

跟著見到好多餐廳都開始收午市, 我地唯有退而求其次, 去食拉麵啦.


見到吒間小麵店, 就走入去, 哈哈, 店長(只有一人), 係個上海嚟留學的學生.  大家講普通話就easy啦.

的拉麵價錢都幾大眾化

我地分別叫了幾款拉麵...唔知係咪肚餓, 我地覺得好好味呀!

店長仲介紹了一間食和牛的店比我地, 我地諗著明天再嚟呀!

食完同圍行吓就要離開, 我地要大阪酒店check in, 今晚又訂咗食雞泡魚餐.  一陣阪神高速又塞車就麻煩啦.

大約六點到達大阪南海瑞士大酒店Swissotel Nankai Osaka Hotel

 間酒店幾好呀, 幾靚, location 又好

我地泊低架車, 行過去心齋橋都只係十幾分鐘.

兩位姪女咁啱今日到大阪, 我約埋佢兩個一齊食晚飯

呢間餐廳叫專食雞泡魚架


哈哈, 一比型爸佢揀, 唔使諗佢一定揀最貴嗰款餐

叫咗兩款清酒

呢個雞泡魚全餐好味呀, 刺身, 煎, 煮炸都有,香港無得食呀!

呢個紙火鍋要介紹一下

火鍋配料都係雞泡魚

仲有魚子

呢的係醮嚟食嘅汁

滾起先食哂的配料

剩低嘅湯放的米用嚟煮粥, 最後加隻蛋..

好好味呀!

最後每人一份雪糕

仲有一片片嘅檸檬用嚟搓手.

呢餐我地食咗yen33,790.

食完就去行心齋橋藥房買野, 又去100yen店.   日元匯率平, 好扺呀!


跟著行返酒店, 見到間小店


好吸引喎, 買嚟試呀!

外面脆入面裝滿了custard

食落幾好味呀!

哈哈, 其他遊客見我地食得咁滋味, 跟著好多人買呀!

今晚食完未?  未呀...

我地請兩位食雞泡魚餐, 佢買咗個日本cheese請我地食.

咁返到酒店, 用咖啡機沖咗兩杯咖啡送cheese cake.  不過呢的日式芝士蛋糕, 似蜂蜜蛋糕多的.

型爸飲完咖啡一樣瞓得著, 我就差的啦, 哈哈, 自己拉嚟攪, 咁夜飲咖啡.

今日食食食食, 由朝食到晚呀!

沒有留言:

張貼留言