南瓜子仁合桃香蕉蛋糕

February 20, 2015, Friday

昨晚响奶奶家, 食完晚飯就即刻走啦, 唔知係咪呢兩三日唔夠瞓, 個頭好痛呀!

今日Cindy放假, 但係我無假放呀!  繼續勞動, 因為明天三十幾人來我家團拜.

做咩新正頭拎的咁肉酸嘅蕉出嚟呀!

哈哈, 唔係爛蕉, 係買咗返嚟放幾日, 等的蕉出哂梅花點. 的蕉香的亦容易的壓成蓉.   睇吓, 無爛架, 全部都仲係好蕉.

明天三十幾人嚟, 我今日要開始整定的蛋糕, 比佢地做小食呀!

每個蛋糕基本材料: 香蕉3隻(先壓成蓉)，雞蛋1隻(打散)，60g溶牛油，糖140g, 1茶匙雲呢拿香油，1茶匙Baking Soda, 鹽少許，245g 中筋麵粉，牛奶1/4杯.

另外兩碗合桃, 一碗南瓜子仁

大製作, 一個人一次整三個

香蕉壓蓉加雞蛋, 溶牛油，糖, 雲呢拿香油, 鹽少許, 牛奶拌勻, 加Baking Soda

加入麵粉

拌至無粉粒

最後加入南爪子仁

另外兩份合桃

一次過焗三份蛋糕

升得幾靚

 
掂呀!

  

 唔止蛋糕, 仲整咗兩份麵包, 留比明天家人嚟BBQ燒蜜糖麵包呀!

我真係好唔得閒, 但我家中的男士就好得閒, 打吓機, 研究吓的手機, 仲久唔久叫吓我....