肉肉菜菜

March 15, 2015, Sunday

今早行山, 返到屋企好攰呀!  攤响張床諗著比條腰休息一下, 唔覺唔覺瞓咗個幾鐘.   跟著就要起身,  星期六日, 梗要揀一日去買餸, 唔係跟著呢個星期食咩呀!

好彩而家Cindy已經可幫手煮飯, 等我可以唔使咁緊張張羅晚飯.

 

  今晚有煎羊扒

 

鹹魚蒸肉餅

 欖菜蒜蓉蒸絲瓜, 好好味呀!
 

腐乳生菜

仲有蕃茄薯仔紅蘿蔔煲魚湯

 
今晚兩肉兩菜,  其真一肉兩菜都夠, 不過Cindy鐘意食肉, 佢鐘意就由佢食多的啦.

呢的配搭, 梗係唔係我諗啦, 我原則係菜魚肉蛋, 點會淨係肉肉菜菜.   但係我去完買餸都攰到唔願郁,佢煮咗我都唔會投訴, 當佢見到剩低咁多肉就知架啦.