緬甸魚湯河

December 31, 2015, Thursday

今日好忙呀!  諗著中午出去攞番架車, 跟著買野預備今晚party, 點知失哂預算, 响車行等咗成個鐘, 攞咗架車兜咗一圈, 發覺仲有問題, 又拎返去, 又等成個鐘.  嘥哂的時間.  不過安全第一, 點都要整好先得.

攞咗架車之後, 即刻去買野, 一陣的河粉賣哂我就頭都痕啦, 因為今晚要整緬甸魚湯河呀, 咁無河粉咁點得呀!  不過今次係誠邀Cindy整佢家鄉野.  上次佢生日整比我地食, 但唔係整得咁好, 今次我千吩萬付, 無需整太多(好似上之佢食咗幾日呀!), 好味就得啦.   哈哈, 如果好味, 多多都食得哂啦.

 
返到屋企, Cindy已經將的香茅煲水

跟著比呢包湯料我睇, 係用嚟整魚湯河嘅快速牌啩.  (我覺得佢上次無落)

跟著用咗大約三湯匙米粉及三湯匙鷹咀豆粉, 拌勻

 

用香茅, 蒜頭, 辣椒, 蔥頭, 盅成蓉

大量原粒蔥頭

雞蛋烚好剝殼

炸的香蒜

話明係魚湯河, 咁最緊要就係個魚湯

用的香茅水煮熟的鯇魚腩


另外用一個煲, 水滾後加入拌勻了的米粉及鷹咀豆粉

的魚腩煮熟後, 的魚湯加入以上煲緊嘅米粉/鷹咀豆湯.  而魚拆肉去骨

跟著再將嗰包魚湯河粉料倒入煲內繼續煮.

用平底鑊幾的辣椒蓉爆香

加入的拆好魚肉, 再炒炒炒

將的魚肉全部加入的湯裡面, 勁大煲

買咗三斤幾河粉, 用熱水焯一焯

呢煲魚湯就攪掂

河粉又準備好

仲有辣椒粉, 檸檬 & 芫茜

炸好的蒜蓉

煮緊魚湯嘅期間, 香到不得了, 隔離屋都問到(Mrs Kua 話我知的)

都真係食嘅時候....真係好好好好好好好好味呀!   收到好多好多好多個 likes.   我全部收哂比帶返去比Cindy.

今日整時我都有的分身不暇, 因為又要整小食, 又要睇著佢點煮.  都唔知有無的步驟睇唔清.  下次再整時, 我要每一樣都寫低先得呀!  個個食完都話要encore呀!