聖誕日五人三狗行山樂

December 25, 2015, Friday

昨晚平安夜, 收到組長的短訉, 問我地今日去唔去行山....去, 無預定節目, 行吓山幾好吖.

晨早收到朋友傳過來的照片, 佢插咗一盤自家種的聖誕花.   哈哈, 我地七點幾都算早起, 佢仲早起過我.

我都祝大家身體健康, 生活愉快, 心想事成啦.

今天出席的人不多, 只有組長夫婦, 副組長, 型爸及我, 其五人.  但組長帶來三隻狗狗, 咁就熱鬧好多啦.

點知當我地去到觀音廟拜完神預備起行, 即刻落下, 仲越落越大, 綿綿密密咁.


最終, 唔想令的狗狗失望無得行, 我地將車泊到水庫, 打著雨傘, 同的狗加行條大斜路上直昇機坪

哈哈, 行條大斜路都幾索氣架, 上去半小時, 跟著抖一抖沿路落水庫.   咁的狗狗開心, 我地都開心, 落雨都有得行.   雖然只有一小時, 都好過無得行麻.

今日太早, 帶著的狗唔方便去食野, 咁就大家快快回家啦.

行吓心情都好的, 聖誕節快樂!