平安夜二人和牛晚餐

December 24, 2015, Thursday Night

今日响屋企執屋無出到去, 到下午四點幾, 型爸突然同我講, 今晚不如出去食飯.   吓, 平安夜喎, 之前又無訂位, 而定先訂會唔會遲的呀!  再者, 今晚出去食, 一定又係嗰的貴到飛起的聖誕大餐, 唔好啩.   哈哈, 呢的大餐, 留番二公子同佢女朋友啦.

要食牛扒大餐, 五號屋隨時都可以整一餐啦.   其實我都有的唔啱嘅, 平時都會諗定整的咩, 但今次放假, 我腦部要休息, 咩都唔想諗呀!   現在型爸要食西餐, 即時配合, 先叫Cindy今晚無需準備晚飯.

攞兩塊一田買的和牛, 呢兩塊都要五百幾文呀!

焗Ikea買嘅薯餅

炒西蘭花做拌碟

再煮個蘑菇忌廉湯

Side dish整好啦!

飲緊熱湯時就煎兩塊和牛


我地呢份和牛晚餐絕對唔差架


的牛扒煎好, 我的湯都仲未飲哂.

至於Cindy, 我比咗嚿澳洲肉眼扒等佢煎嚟食

的配菜同我地一樣

呢份係佢平安夜晚餐, 佢開心到又即刻影相sent比佢屋企人睇.

其實仲有個甜品撻, 但實在已經食唔落, 算了吧!

簡簡單單的煮了一餐, 我地過咗一個開開心心平平安安的平安夜.

二公子返到嚟話, 知先同我地一齊响屋食, 佢話餐廳訂位時要指定六點半或八點半, 只有一款晚餐, 每位hk$698...  哈哈, 呢的日子係咁架啦, 所以我唔想出去食.   屋企買的牛扒, 貴極點都平過出去食.