知味小廚好知味

January 12, 2016, Tuesday

今日Cindy生日, 佢一早同我請假, 今日要去海洋公園玩呀!  佢話生日可以免費入場, 同佢一齊入場嘅朋友, 亦有半價.    哈哈, 睇吓的傭人姐姐幾叻, 我都無留意有呢的優惠, 知我都無興趣去呢!

我出門口返工前,送咗份禮物比佢, 叫佢開開心心出去玩一天.

 到晚上佢通知我地話今晚會夜的返, 好啦, 自己小心的就得啦.

晚上差唔多八點我先返到屋企, 型爸攪掂狗狗的晚餐, 我地先出去食晚飯.

都唔使點諗, 去我地覺得的小菜炒得幾好味嘅知味小廚.   睇兩睇就知叫咩.

 
花生雞腳豬骨湯, ok, 無味精

馬拉盞油麥菜炒牛肉, 好惹味

口水雞

紅燒豆腐雙腩煲

三個小菜都好好味呀!

口水雞配油飯, 不過碗油飯就無咩味啦.

晚餐仲有飲品, 三個人都只係食咗HK$162, 唔使加一, 抵呀!  平過自己煮.

到我地食完返到屋企, Cindy都未返, 我都無理, 呢排工作咁忙, 上房梳洗休息啦.

點知到十點幾差唔多十一點, Cindy哭哭啼啼咁上嚟我房, 話我知剛剛迷路, 手提電話又無電, 坐的士又唔識講中文, 的士唔比佢上車.  卒之見到好心人帶佢坐巴士返嚟.

唉, 又要教女咁輔導佢, 今日佢玩到忘哂形, 無寫企我地嘅電話, 地址又無寫低.  全部依賴部電話, 又唔記得帶充電器, 今次得個教訓啦.  好彩安全返嚟咋, 唔係我要報警搵佢呀!