鮑魚花膠雲腿雞瘦肉湯

2012年5月24日下午2:19公開累積瀏覽 394 1

May 20, 2012, Sunday

昨天型爸已經响道嘈嘈敝,  上次訂嗰兩隻塊面咁大嘅鮑魚, 仲唔快的整咗佢, 阿仔都返咗嚟囉....整, 即刻用嚟煲個靚湯啦.


就係呢隻啦, 真係成塊面咁大隻架.  咁樣睇唔到的比例, 一陣間同隻雞比較就睇到有幾大

我得十幾隻呢的花膠筒, 用埋嚟嚟煲
 

雞一隻

雲腿, 唔敢落咁多, 切咗一半, 大部份都係骨  

 

齊料啦.....全部都要汆水.  花膠要用薑蔥出水.... 隻鮑魚一汆水之後即刻縮水....只係大過個拳頭咋.

放兩片薑, 全部掉哂落去煲3個鐘.的湯煲到奶白色, 好香呀!
 

撈起的鮑魚切片, 加埋的花膠, 醮辣椒豉油嚟食, 又係一味餸呀!  正