新加坡辣椒炒蟹

2012年5月25日下午2:11公開累積瀏覽 282 0

May 20, 2012 , Sunday

上次整花雕蛋白蒸蟹, 燙傷隻手, 傷口好番啦, 但係疤痕仍在, 呢排不斷搽馬油, 希望的疤痕慢慢退啦... 不過唔知要等幾耐.

今日又整蟹呀!  想整好耐啦,因為買咗盒醬料囉.


就係呢盒新加坡辣椒炒


只需要買蟹, 雞蛋(其實我想用鴨蛋架, 不過唔記得買)

入面有三包, 大包係醬汁, 中包係好似椰子粉, 最細包係辣椒粉

有說明書教點樣整


而家的野真係貴, 上次的花蟹要hk$180一斤. 今次呢的肉蟹都要hk$110一斤, 呢道兩隻蟹要hk$165, 還好, 今次呢兩隻蟹都幾靚, 有膏有肉

的蟹劏好, 用油泡走油, 將蟹盛起.  鑊中多餘嘅油倒起, 留吓少許油

爆香蒜蓉加醬汁, 未加椰子粉前好深色, 加咗之後的色就好靚(好似加咗椰奶咁).  加辣椒粉, 睇落好似好辣, 但加哂的辣椒粉都覺得唔辣(唔知係咪呢款醬料偏甜, 所以唔係好辣).  將兩隻雞蛋打發好加入醬料一起炒,

將蟹回鑊, 如果汁料太稠, 可加少許水 (汁多的好的, 可以用嚟配蒜蓉包或撈飯)

可以上碟啦, 真係超正呀!

最可惜唔記得買法包, 無整到蒜蓉包.   不過佢地都無放過的醬汁, 用嚟撈飯!