April 28, 2012, Saturday
今晚我地有potluck聚會, 記得先前雀后整蒜泥白肉, 我好想整呀, 一於跟. 不過今日想整兩樣喎, 都係用腩肉, 不過一熱一凍. 焗燒腩+蒜泥白肉.
昨晚去買咗嚿大腩肉, 都真係好大嚿成三斤幾重呀!
買嗰時都無留意連著的排骨, 整燒腩唔係好啱, 焗起斬斬唔到的骨.
索性起咗的腩排出嚟
另外再切大約四份一出嚟做蒜泥白肉
今晚我地有potluck聚會, 記得先前雀后整蒜泥白肉, 我好想整呀, 一於跟. 不過今日想整兩樣喎, 都係用腩肉, 不過一熱一凍. 焗燒腩+蒜泥白肉.
昨晚去買咗嚿大腩肉, 都真係好大嚿成三斤幾重呀!
買嗰時都無留意連著的排骨, 整燒腩唔係好啱, 焗起斬斬唔到的骨.
索性起咗的腩排出嚟
另外再切大約四份一出嚟做蒜泥白肉
的腩排斬好留起. 一腩三食, 即刻覺得好抵食咁.
切咗四入一出嚟, 剩番嘅四份三都仲係好大嚿呀! 用花椒粉, 五香粉, 鹽, 紹酒醃好的肉, 豬皮面鋪上鹽, 放咗一個晚. 第二日掃去的鹽, 入焗爐焗就得啦.
至於嚿用嚟做蒜泥白肉嘅腩肉, 都唔細, 幾靚架.
預備薑同蔥
煲滾水加薑蔥紹酒煮20分鐘, 焗15-20分鐘
跟著浸冰水降溫, 跟著放入雪櫃雪1 小時
要整個汁啦
我用咗一個蒜頭, 用蒜蓉夾夾成蓉, 有的鄰居唔鍾意食生蒜, 我用油將的蒜蓉爆香, 熄火之後再加蔥花略炒, 等的蔥都唔好咁生
醬油膏2湯匙, 水2湯匙, 辣椒油(我的係花椒油)1/2湯匙, 鎮江醋3/4湯匙, 糖1茶匙, 麻油少許
醬汁調好後加蒜蓉蔥花拌勻. 呢個時候, 可以試味, 個汁好香, 但淡咗少少, 可能我個款醬油膏唔鹹, 可以加少少豉油. 不過喺出面食蒜泥白肉, 的醬汁會偏甜的.
切咗四入一出嚟, 剩番嘅四份三都仲係好大嚿呀! 用花椒粉, 五香粉, 鹽, 紹酒醃好的肉, 豬皮面鋪上鹽, 放咗一個晚. 第二日掃去的鹽, 入焗爐焗就得啦.
至於嚿用嚟做蒜泥白肉嘅腩肉, 都唔細, 幾靚架.
預備薑同蔥
煲滾水加薑蔥紹酒煮20分鐘, 焗15-20分鐘
跟著浸冰水降溫, 跟著放入雪櫃雪1 小時
要整個汁啦
我用咗一個蒜頭, 用蒜蓉夾夾成蓉, 有的鄰居唔鍾意食生蒜, 我用油將的蒜蓉爆香, 熄火之後再加蔥花略炒, 等的蔥都唔好咁生
醬油膏2湯匙, 水2湯匙, 辣椒油(我的係花椒油)1/2湯匙, 鎮江醋3/4湯匙, 糖1茶匙, 麻油少許
醬汁調好後加蒜蓉蔥花拌勻. 呢個時候, 可以試味, 個汁好香, 但淡咗少少, 可能我個款醬油膏唔鹹, 可以加少少豉油. 不過喺出面食蒜泥白肉, 的醬汁會偏甜的.
個醬汁攪掂啦.
將嚿腩肉响雪櫃攞出嚟切薄片
我無將的醬汁淋上去呀, 因為唔係每一個人都鍾意辣, 所以用碗仔將醬汁裝好, 放喺中間. 食時醮嚟食都一樣啫.
嘻嘻, 我試過都幾好味喎. 要叫雀后嚟睇吓合唔合格先.
嘻嘻, 我試過都幾好味喎. 要叫雀后嚟睇吓合唔合格先.
沒有留言:
張貼留言