復活節也是拜年時

April 5, 2015, Sunday

 有心唔怕遲, 十月都係拜年時.  何況只係復活節.

今年大公子返嚟過年, 我地一齊去旅行, 型爸的家人同朋友都未有機會嚟我屋企玩, 結果延到復活節. 

哈哈, 咁都好吖, 大家復活節咪多個節目.

過年時忙得制, 整好咗嘅蘿蔔糕芋頭糕唔記得拎去, 跟著我又去旅行. 我將蘿蔔糕及芋頭糕放入冰箱, 今日解凍整比佢地食.

 
入過求箱, 的蘿蔔糕變得軟, 最後加XO醬用嚟炒....  的蘿蔔糕芋頭糕實在太好味, 好快食哂.   二公子仲問, 我地仲有無蘿蔔糕....吓, 最後呢底啦, 如果唔係留起, 跟本一早食哂啦.   咁如果真係好想食, 我可以再整嘅.

預備一次BBQ真係唔少野, 真係好多野做


先煲個蕃薯栗米蓮子粥(第一次加蓮子, 好味呀!)


又要煲腐竹雞蛋糖水

跟著又要烚粟米順便煲埋粟米水


跟著又調青檸Vodka, 青檸什飲

 
 雞翼昨晚醃定, 辣質與不辣, 兩款選擇


牛扒


羊扒都係梁九記買嘅


仲有梅頭豬扒, 多款腸仔

今日仲燒日式帶子

姪女婿買了乳鴿來燒

仲有蕃薯

我另外再焗了豬肩胛


下面再放條鮮檸檬烏頭

白焯菜心苗

 騰來騰去騰咗成晚, 仲攰過去行山.

我無燒野食,呢碟係二公子同佢女朋友燒比我食架.

Cindy一路响廚房都係洗, 真係由朝洗到晚.  戶外嘅所有野都係我同型爸做.   

散場時都係叫大家幫手執拾,  清理乾淨的檯檯檙櫈, 唔係明天一早我同型爸又去行山, Cindy真係攪唔掂架.