EastSide Tavern Lunch

March 23, 2015, Monday

上星期五公司年慶, 做到好辛苦, 但係又抽唔到獎.   總共100人,  有34封大利是, 結果都抽唔到, 只有安慰獎.  唉, 我呢的工作人員都只係有得辛苦但攞唔到獎.

但係同我一齊食開午飯嘅兩位同事, 慢麼麼&麻煩鬼竟然兩個都抽到....

星期一, 慢麼麼竟然主動話請食飯, 仲話今日佢請, 請埋麻煩鬼, 咁下次就麻煩鬼請, 請埋佢, 咁我就有兩餐食啦.....咁梗係好啦, 但麻煩鬼好似仲有的遲疑...  我要用我雙眼瞪著他, 佢先話無所謂....哼, 我從來都唔會屈人請食飯, 無強迫, 只有自願...呢個孤寒鬼.

我都怕佢地肉尺, 同佢地去East Side(帝國中心), 通常都只係一百文一位.

我地分要了自助沙律

跟著三款主菜share嚟食.

有蕃茄長通粉

呢碟淨薯條?  唔係, 係火雞肉三治, 只係我地將三文治切開了三份, 每人咬咗幾啖唔記我影相啫.

仲有四色芝士pizza.

三款主菜都幾她味, 但係食到我地好飽, 最後要勸食先勉強攪掂, 唔使浪費的食物.

每人仲有飲品, 佢兩位要凍檸茶

我要意大利泡沫咖啡.

埋單呢餐埋單都只係HK$298, 一百文一位.   仲有得蓋印仔.  我舊嗰張唔記得拎, 蓋著張新啦.

麻煩鬼話好味, 下次輪到佢請喎.  哼哼哼