沙田大會堂美心皇宮

March 29, 2015, Sunday

今個星期日無得去行山, 因為要去拜山呀!   昨天去拜我爸爸, 今天要去拜老爺.

哈哈, 昨天輕輕鬆鬆提早出動, 非常開心滿意.  今日係星期日都心知會多人, 但係真係估唔到早一個星期都會多人都咁...

 

睇吓呢條蛇餅, 係我已經排咗45分鐘, 卒之可以搭到自動電梯, 由上面影落嚟.  呢道係邊道,沙田寶福山囉.

唉, 我上到去又可以點, 其他人都未到, 我响佛照堂出面坐咗成個鐘, 的家人先陸續到達....大家二口同聲, 明年可能要早多兩個星期, 唔好再同人迫啦.

拜完山, 大家又去飲茶, 本來叫十二點留位, 結果我地一點鐘先到.  去到唔使等好耐已經好好彩.  我地人多, 要兩張大檯.

好耐無去過美心皇宮飲茶, 佢地仲係用推車仔賣點心, 即叫即有得食, 唔使等又幾好喎.   仲有的懷舊點心, 鶉蛋燒賣, 百花釀魚肚...又幾好味.

我地將的燒鴨, 燒肉, 白切雞攞出嚟一齊食.

 

 哈哈, 大嫂竟然帶咗的豬腳薑比我地食 (佢係金牌陪月員, 成日都煲薑醋)

仲買咗的雞屎滕果, 茶果比我地食

煎埋仔都係拜完山.

呢餐食咗幾多錢我唔知, 奶奶請飲茶呀!

哈哈, 今日大家傾開, 仲未去我屋企拜年(哈哈,十月都係拜年時), 約定4月7日去我屋企....唔使諗, 咁多人BBQ啦.