菠蘿雞 - 早黐晚又黐

March 2, 2014, Sunday

今日要同二公子型爸去港島一轉辦點事, 諗著一齊去那邊食午飯, 十一點幾型爸接到林老闆電話, 今早整白汁黑松露意粉, 問我地有無興趣, 哈哈, 點會無興趣呀!

十二點去到大廚已經準備好醬汁, 將的麵條撈上醬汁就可以.  睇落好似唔夠醬汁喎.

kakakaka... 真係比我估中, 的醬汁唔夠, 只夠三碗, 大廚即刻要再整多的醬汁.

好香黑松露味呀, 的醬汁好ok喎, 只係的麵條有少許淡. 只要加少許海鹽就更perfect.  嘩, 呢碟去Island Seafood 食, 每碟HK$269呀.

食完我地講聲多謝又要走啦, 約咗人夠時間.   不過今晚又會再見面, 因為林家又煲肉骨茶, 又請我地一家三口過去食晚飯....哈哈哈哈, 呢的鄰居去邊道搵呀!

今勻我地做咗菠蘿雞, 早黐晚又黐.


香濃的肉骨茶煲好了,呢款肉骨茶藥材味唔係太濃, ok喎.  我個胃唔舒服, 的湯有的黑胡椒, 飲咗落去個胃覺得好舒服呀!

林老闆拿手小菜麻婆豆腐

蒸青衣

林老闆買了一隻超齡雞, 好大隻, 另外買了一份雞內臟(如果用嚟煮雞酒就好正啦.)

仲有炒菜遠, 菜脯蛋, 的餸好好味, 好過出街食好多呀!  咁多餸, 六個人食, 真係好夠, 最終又係食唔哂啦.   食完仲有飯後果.  

非常多謝林老闆的邀請, 下次輪到我地啦.

我們今天很健康, 只食飯飲湯, 唔飲酒啦.