龍華酒店

March 23, 2014, Sunday

好快就到清明節, 為免人多擠迫, 通常都會預早一兩個星期去掃墓.  奶奶指定今天, 全家人大大小小, 一齊去寶福山拜老爺.

嘩, 雖然早了兩個星期, 但係人一樣係咁多, 打哂蛇餅.  幸好有人潮管制, 一面上山, 一面下山, 雖然人多, 但不需要得太久.  上山, 拜山, 再下山, 都只是用了一個小時, 非常滿意啦.

拜完山大家一齊食午飯, 附近的酒家大排長龍, 沙田第一城美心酒樓又沒有了, 無咩太多選擇下, 我們又去了龍華酒店食乳鴿.

 
真係估唔到, 龍華酒家亦很多人

去到話要等位, 佢話今日有旅行團, 百幾圍.  後來有一位經理, 道有幾圍剛走, 執搭一下就可以比位我地.

 

我地有十六位, 睇吓menu, 都係叫套餐

 

但係我地只叫了八人套餐.   包八隻乳鴿, 開邊每人半隻就夠啦.   因為我們買了一隻雞, 一隻燒鵝及燒肉, 再加了三樣餸及一碟炒飯, 夠食啦.   以前都係叫開八人餐, 以前八百幾文, 現在要HK$1688.

 

餸菜未到, 我們先叫自己帶來的雞鵝燒肉.

個名好靚, 桂花葡提牛柳粒, 其實咪西芹牛柳粒

八隻乳鴿, 一開四. 呢的鴿單賣要HK$89一隻.  講真, 非常麻麻呀!

翠肉瓜藕片龍利柳

鮑參翅肚一品鍋

哈哈, 仿鮑, 仿翅, 仲有的唔知係咩, 不過海參係真的

翡翠珍珠豆腐丸, 呢樣又唔錯喎

臘味啫啫玉蘭鍋, ok呀!

鄉村風味一品鍋, 好鹹呢!

魚腐扒時蔬

鴿汁草菇撈伊麵, 非常唔得

沙田滑雞粥, 的雞一的都唔滑, 唔得呢!

我們另叫了紅燒豆腐煲

加了一個福建炒飯, 兩碟菜, 福建炒飯來了, 但兩碟菜遲遲唔來, 唯有取消啦.

埋單都要HK$2,200呀!

來時這條路擠滿人, 走時兩點幾已經沒人了

可以影吓路邊這小食檔

呢的都係以前舊式小食, 炸蕃薯, 蘿蔔絲位, 花仔餅, 炸魚多蛋.   太多炸粉, 唔會買嚟食呢.

總括嚟講, 我地覺得龍華的野真係唔得.  下年再拜完山, 要搵其他地方食野呢!