板長板前壽司 - 大埔超級城

March 20, 2014, Thursday Night

今日星期四, 又係Ruby假期, 我同型爸兩個人撐檯腳.  型爸話好耐無食過湯律, 諗著星期六食, 咁今日順便去一田買定的沙律菜, 順便响大埔超級城食晚飯.

醒起二月中連接了板長壽司嘅Apps,  只要在兩個月內消費滿hk$1,000, 就可以有VIP咭, 往後兩年內幫襯都有九折.   已經幫襯咗三百幾, 食多兩次就好易過一千文啦.


咁順路嚟到, 就幫襯吓啦.

用手機連接了呢部平板電腦, 一陣埋單, 資料就會傳送到我嘅account.

哈哈, 今日點了全魚餐

 

飛魚子軍艦及海膽軍艦, 我拎起手機影相, 型爸已經食咗一嚿

 

要了一條池魚, 再加了一客油甘魚腩刺身及伊佐木刺身

  

都唔知伊佐木係咩, 但原來好好味架

  

西京燒三文魚鮫

食落唔係幾夠, 又再加了單

見到呢個鹿兒島各牛嘅牌, 叫一客試吓啦.

 

加了兩款食物

 

 

鹿兒島和牛刺身, 食落只係一般, 呢個部位唔美味啦.

 

 反面呢碗牛肉辛辣湯烏冬就幾好味, 的辣湯好好飲呀!

埋單兩個人食咗四佰幾呀!

食完埋單後一個個小時, 呢張消費單金額就會傳送到我個account, 加埋有八百幾, 好易就過一千文啦.

為咗買沙律菜加芝士都只係消費幾十文, 食餐晚飯就四百幾....不過唔只呀...無端端使咗四萬幾呀!