意外驚喜

April 3, 2014, Thursday night

今晚一個小時內煮埋兼食埋晚餐已經覺得非常輕鬆愉快,  跟著在書檯上發現了一個小包裹, 令我開心到不得了.

呢, 就係呢個小包裹, 係大公子由加拿大寄出嚟架.   郵費C$20.  外面declare 係Necklace.

拆開嚟睇, 好靚呀!  見到中間玫瑰金有個MOM字, 我真係開心到眼淚差不多掉出來.

原來大公子在加國都好記掛著我.  見到呢個吊咀有個MOM字就買比我.

以前大公子每年暑假都會返香港, 但現在畢業在那裡工作, 暫時沒有那麼多假期, 應該有一段時間都不會返香港.

兒女長大了在外發展, 做父母的只可心中記掛.   收到這小小禮物, 知道兒子心中記掛著我, 真的十分開心.

馬上whatsapp大公子多謝他!