呢個星期過得真係快, 貶眼就過咗四日, 明天就係復活節假期, 真係開心.
下午多一位同事join 我地食晏, 大家想食西餐....自從Sticky Fingers 無咗午市, 附近都唔知有咩野選擇. 唯有近近地就去Wing's Kitchen啦.
佢地寫著四位套餐送一位, 咁我地四個人, 係咪可以叫五個餐呢. 哈哈, 不過問清楚, 一定要叫套餐先有得送, 但我地今日四位都唔想食套餐, A La Carte得啦, 食套餐太飽啦.
牛魔王飯桶同事要了西冷牛扒
今日join我地嘅同事要了安格斯牛肉漢堡
我要了炸魚薯條薯條
麻煩鬼同事又係叫咗炸魚薯條
不過一食落就好失望, 的包著魚嘅脆漿唔夠脆, 同以前Sticky Fingers嗰的無得flight
不過第二日, 麻煩鬼同事打比我, 問我有無肚痛或唔舒服, 佢話佢肚痾又發燒. 我無事呀, 佢先幾日已經病病地, 係咪感冒菌入腸呀! 不過我第一次嚟食完(只係要了茄汁風乾火腿意粉)都肚痾咗成十日...真係唔知關唔關事啦. 不過炸魚薯條點睇都唔係生, 會唔會係太油膩呀, 唔舒服仲要食炸野, 咁應該唔關間餐廳事啩. 如果呢間都唔嚟, 咁又少一間選擇啦.
沒有留言:
張貼留言