旦王花 Red Penny

March 30, 2014, Sunday Night

上星期去寶福山拜老爺, 今個星期就要去鑽石山拜爸爸.  早上未夠十點就出門, 先去青衣接哥哥嫂嫂, 佢地負責所有祭品, 咁我地做柴可夫負責接接送送都好應該.

平時都無留意, 今日做乘客(型爸做司機) 經大帽山, 發覺沿路有好多棵櫻花樹, 哈哈, 睇櫻花, 唔使去咁遠啦.

去到鑽石山, 又係好多人(哈哈, 好多人都提早, 唔想到正日去迫呢喃 , 排哂鐵馬, 很多警察負責人潮管制, 的車要泊到老遠, 咁樣都好, 大家守秩序, 安全好多.    家人都準時到達, 好快拜祭完畢. 跟著回去跟媽媽食午飯, 都有一陣沒有去探媽媽, 真係要見佢多的啦.

兩個星期日攪掂了拜祭事宜, 輕鬆哂.   晚上就出去食啦.   唔止我地一家, 還有林生林太.  本來陶爸陶媽都話去, 後來又話唔去, 最終6個人出席.

我地訂了晚上七點半, 七點出發啦....雨越下越大, 變成瀑雨...

 

呢間旦王花Mrs Kua介紹我地去, 佢話地方唔錯.  不過我地去到落著傾盤大雨,有雨傘都濕哂身, 都無心情睇的地方

 

地址喺錦上路148號地下,二公子都係用iphone個GPS帶路.  入到去間餐廳真係好大, 不過已經坐滿到七七八八, 相信如果無落雨, 應該會滿哂.

睇吓個menu, 原來都係集團式經營, 以前去過嘅Sawadee Thai同廣東名門, 都係同一集團

 

的裝修都幾靚呀!

 

要了芒果沙律米紙卷

 

林老闆帶了Whisky, 但要收開瓶費HK$100, 不如叫兩杯Hoegaardenh算啦.

 

六個人, 要了兩客冬蔭公湯, 呢碗細夠兩人飲

 

 

呢客大嘅夠四人飲

 

 

要了一客大拼盤, 有炸蝦餅, 串燒, 春卷, 蝦片, 炸南瓜片

 

要了咖哩牛腩及兩客薄餅

蒜蓉炒椰菜苗

肉鬆生菜包, 竟然時凍的.  莫非這裡算是冷盤

再要了一客海南雞飯.  另外pack多一客海南雞飯給林家小姐.

埋單HK$1,200, 每位二佰.

走的時候, 依然傾盤大雨.  原來在這短短一小時間, 由黃色瀑雨轉為紅色, 二十分鐘後再轉為黑色. 

由二公子開車回家, 的雨大到打著水撥也沒用, 跟本無法看清前面路面的情況, 只可以看到前車的燈光, 所有車都慢慢行駛.   兩邊馬路開始水浸, 只有盡量把車駛至兩條馬路中央行駛, 但車一行過水氹, 兩邊的水彈起還高過我們的車, 真的很擔心會在路中死火.   最後安全返到屋企才真正鬆一口氣.

一坐落回家, 手機whatsapp已不斷起, 傳來多個地點落冰雹, 又一城商場天花漏水, 地鑼站入水像瀑布一樣.  雖有突然的天災, 但沒有傷亡, 真的很慶幸呢!

還是覺得家是最安全的.