晚上八時訂咗另一間餐廳天外天(Above & Beyond)食中餐
呢間天外天喺酒店28樓
一入去係酒吧, 其實呢間餐廳, 將會係Club Floor住客嘅Club Lounge
而呢間餐廳另一賣點係維港景... 呢個方向, 同之前房間嘅方向一樣.
坐低叫咗普洱, 好香好滑
前菜
呢碟係素XO醬, 幾好味
呢道有品酒師介紹的酒比我地飲, 同佢講咗啱啱响lobby lounge 飲完紅酒白酒, 佢介紹咗另一款白酒比我地, 幾清新. 但我地都係飲少少, 因為剛剛已經飲過, 我已經好夠啦.
餐牌都係用A4 size letterhead print 嘅臨時餐牌...
我地叫咗...
松茸燉雞湯, 好清甜
义燒, 有的失望, 肉質夠腍, 但無肉味, 太多蜜糖, 過甜.
七味生蠔, 唔知係炸嘅, 美國桶蠔, 真係唔啱口味.
黑松露炒帶子, 的黑色一條條係黑松露, 但一的味都無, 的帶子亦無鮮味, 呢碟又係唔啱口味.
遼參豆腐, 呢碟的味道都係唔得. 非常淡, 的豆腐炸完煮返, 韌皮內裡唔滑. 呢碟得個清字.
甜品杏汁蛋白奶露, 賣相唔錯(都唔知佢配埋另外三樣小點), 夠濃但無杏汁味. 又係失望. 另外嗰三樣小點一樣無驚喜.
呢道嘅restaurant manager 好殷勤, 但有個別伙計連最基本將茶壺擺放時荼壺咀唔好向著客人. 個別restuarant manager 同我地添荼時都唔會再用壺咀向著我. 但到另一位waiter加水後, 又將的壺咀向著我. 呢的雖然係小事但一定要改進, 已經寫咗落張comment form 啦.
呢道嘅茶香薰鴿聽講幾好, 但我地發覺叫我太多, 取消咗.
但基於剛試過嘅幾道中菜, 大有改進空間.
沒有留言:
張貼留言